Pickabowl (安華工業大廈)

營業中

休息中

聽同事講火炭開左pickabowl!今日天氣熱熱地,係時候食D清涼野爽一爽~我經openrice落單外賣自取,揀左火炭既雲端廚房自取,完全0接觸拎外賣,格外衛生!我叫左夏威夷四重奏配烏冬~有辣味三文魚、經典吞拿魚、泰式熟蝦同埋牛油果,仲有埋溫泉蛋~加埋海帶豆腐湯~一開個盒已見到顏色好繽紛,賞心悅目~辣味三文魚辣得惹味,經典吞拿魚充滿麻油香,泰式熟蝦勁有香茅味,牛油果都有黑椒同鹽調味下面係蕃茄青瓜紅黃椒粒加埋烏冬,烏冬好彈牙!加埋D蔬果好清新~放埋溫泉蛋,半流心,撈埋一齊好夾!海帶豆腐湯好好味~食完覺得健康又滿足~夏日不二之選!