影片
更多
2023-06-07
70 瀏覽
今日同朋友去D2行市集，行完索性喺D2食埋嘢，大熱天時真係唔想周圍走。搵到間pickabowl嘅餐廳，見佢好得意係每款配料自己選擇，主要係蛋白質、澱粉質同蔬菜嘅配搭。配料清新健康，好啱呢啲天氣食。我哋分別揀咗夏威夷四重奏同埋Classic couple。夏威夷四重奏嘅蛋白質有辣味三文魚、經典吞拿魚、泰式酸辣大蝦🍤同埋牛油果🥑，蔬菜類我哋揀咗彩虹組合，主食揀咗黃薑椰菜花加半糙米飯。原來椰花係可以生食，我都係食過先知，口感同味道都幾得別！所有配料撈埋自家製醬油一齊食，口感豐富有層次。醬油酸酸甜甜，三文魚同吞拿魚嘅魚油香同醬油相輔相成，濃郁得嚟又多咗一番清新。Classic couple同樣都係有三文魚同吞拿魚做蛋白質，另外再加多一份芥末熟蝦，芥辣唔算好攻鼻，撈埋啲飯一齊食更開胃！總括嚟講，呢餐係非常健康又飽肚，啱哂健康人士減肥人士！平時食得太多肉，食返一兩餐呢啲健康食物感覺好清新好舒服❤️
今日同朋友去D2行市集，行完索性喺D2食埋嘢，大熱天時真係唔想周圍走。
搵到間pickabowl嘅餐廳，見佢好得意係每款配料自己選擇，主要係蛋白質、澱粉質同蔬菜嘅配搭。配料清新健康，好啱呢啲天氣食。
我哋分別揀咗夏威夷四重奏同埋Classic couple。
夏威夷四重奏嘅蛋白質有辣味三文魚、經典吞拿魚、泰式酸辣大蝦🍤同埋牛油果🥑，蔬菜類我哋揀咗彩虹組合，主食揀咗黃薑椰菜花加半糙米飯。原來椰花係可以生食，我都係食過先知，口感同味道都幾得別！所有配料撈埋自家製醬油一齊食，口感豐富有層次。醬油酸酸甜甜，三文魚同吞拿魚嘅魚油香同醬油相輔相成，濃郁得嚟又多咗一番清新。
Classic couple同樣都係有三文魚同吞拿魚做蛋白質，另外再加多一份芥末熟蝦，芥辣唔算好攻鼻，撈埋啲飯一齊食更開胃！
總括嚟講，呢餐係非常健康又飽肚，啱哂健康人士減肥人士！平時食得太多肉，食返一兩餐呢啲健康食物感覺好清新好舒服❤️
張貼
