影片
更多
2009-03-30
33 瀏覽
早幾日有計劃打算去食All Day Breakfast.....又係幾個星期前諗好但係遲遲未實行嘅計劃，今日終於成真，試食兵團又出動喇，當然亦都係我地呢幾個膽啦。今次嘅目的地係中環Soho區嘅McSorley's Ale House....一間Sport Bar。我地集合後，好快就搭行人電梯上到去伊利近街，鎖定目標，即時衝入去，再遲就應該會冇得食架喇，因為已經3:45，因為只係供應至4:00。坐底....阿妹好快已經決定了食Egg Benedict (Smoked Salmon) w/spinach，我同班長亦都想試啲香港其他地方食唔到嘅早餐，Menu上其他嘅都好普通，唯有照跟。我已經好多年冇食過呢款早餐了，一嚟到，果然份量十足，每碟有兩大份.....又係鬼佬size呀! 上層有隻水煮蛋，每碟有三隻蛋，接著便是煙三文魚，如果唔喜歡還可以選擇Gammon Ham，同埋有一堆菠菜蓉，最底下就係一塊英式鬆餅，最後再喺上面淋上一層蛋黃牛油醬汁Hollandaise。碟邊仲有side dish - hash brown。評語：食完可以再翻兜，一個字 -- 掂。一入口，牛油汁嘅香味係全碟菜嘅精髓
今次嘅目的地係中環Soho區嘅McSorley's Ale House....一間Sport Bar。我地集合後，好快就搭行人電梯上到去伊利近街，鎖定目標，即時衝入去，再遲就應該會冇得食架喇，因為已經3:45，因為只係供應至4:00。
坐底....阿妹好快已經決定了食Egg Benedict (Smoked Salmon) w/spinach，我同班長亦都想試啲香港其他地方食唔到嘅早餐，Menu上其他嘅都好普通，唯有照跟。
我已經好多年冇食過呢款早餐了，一嚟到，果然份量十足，每碟有兩大份.....又係鬼佬size呀! 上層有隻水煮蛋，每碟有三隻蛋，接著便是煙三文魚，如果唔喜歡還可以選擇Gammon Ham，同埋有一堆菠菜蓉，最底下就係一塊英式鬆餅，最後再喺上面淋上一層蛋黃牛油醬汁Hollandaise。碟邊仲有side dish - hash brown。
評語：食完可以再翻兜，一個字 -- 掂。一入口，牛油汁嘅香味係全碟菜嘅精髓，唔少得佢....真係好香呀....食到唔停得口....雖然亦都好膩，唔緊要，還掂已經四點鐘，之前嗰餐已經消化哂，但係就係因為食咗佢，我呢晚嘅晚餐淨啲完全食唔落嘢，但係相反今日就食咗兩次早餐...哈哈。至於啲三文魚喺煙嘅，亦都提供足夠嘅喊味，菠菜就可以中和啲油份，但係我地都認為個鬆餅如果可以脆番少少，效果可能會更好。Hash Brown炸得算幾好，不過又有幾難呢，估佢都係現成買返嚟嘅。價錢係$78/客，我地冇叫嘢飲，因為全部都係酒精類，埋單即係$85/人。
張貼
