莊館 (已結業)

朋友介紹左呢間餐廳。聽咗好幾次，終於去試吓。首先個裝修好靚好特別。中式得來又有西式，好似講咗等於冇講。簡單黎講裝修都好fusion.粉紅皮蝦餃🦐🥟-蝦餃一籠三粒， 每粒上仲有啲玫瑰乾花做裝飾。外觀👍🏻👍🏻👍🏻 蝦餃爽脆，唔會好粉，食落都好新鮮，值得排叫黎試。風乾牛肉-呢個係signature，本身諗緊叫唔叫因為覺得好似唔係好抵，又覺得好似好細份。但最終都叫咗係有驚喜。首先呢個菜真係好似藝術品，一上枱真係話咗聲。第二，風乾牛肉真係唔錯，唔會好乾珍珍。第三其實食落，真係都好多舊。為返個價錢都OK嘅。呢個我都會建議食。熏雞-呢個熏雞我強烈推薦。佢個煙熏味係好出。一食落去，雞肉係好充斥着煙熏味，好香。塊雞皮勁正。再加上佢嘅雞，唔會好肥，令到溜。very goodddd!叉燒-好怕食到啲叉燒係得個甜味，同硬骨。呢個叉燒，咬落去爽中帶林，唔似食緊醬油，肥瘦適中。正呀。建議大家試粉絲蟹子蟹蓋煲-呢個都唔錯，但對比其他我就覺得冇乜特別。如果大家唔食芫荽蔥記得叫佢走。