影片
更多
2012-04-22
60 瀏覽
與幾位朋友約旺角食飯又無乜頭緒,結果上 Open Rice search 下有咩好食 ... 見呢間西餐廳啲食評唔錯,就用咗 Table Map book 枱,即時 confirm 好方便! 去到個場唔算大,不過場身加上大鏡子令空間感增大,所以都唔會坐得唔舒服. 我們一行四人,侍應推介我們抵食四人餐,不過我哋都想試多啲嘢,所以選擇咗散叫,結果係 ...首先我叫了一杯飲品,叫 Latin 嘅什果汁(我好乖唔飲酒架! ) ... 味道就一般 fruit punch 咁啦不過都幾 refreshing 嘅 ...小食方面,我們叫了鵝肝多士 ... 個鵝肝煎得剛剛好,唔會太燶又或者唔夠熟,入口即熔,加上番茄同微脆多士,配搭及口感極好! 另外我們叫了個芝士乳酪薯條,與其他美式餐廳嘅芝士薯條無異,薯條應該係新鮮炸起好 fresh 好脹卜卜,雖然唔太食出乳酪味道或口感,不過味道都良好! 之後係意式辣肉腸薄餅,初時我都有啲担心會唔會好似啲大型連鎖式 pizza 店咁 standard 預先整好晒嗰啲 ... 不過食了一口後 ... 真係好食到要比個讚佢! 芝士味夠,辣肉腸味出,餅底唔硬邊夠脆,食得出
去到個場唔算大,不過場身加上大鏡子令空間感增大,所以都唔會坐得唔舒服.
我們一行四人,侍應推介我們抵食四人餐,不過我哋都想試多啲嘢,所以選擇咗散叫,結果係 ...
首先我叫了一杯飲品,叫 Latin 嘅什果汁(我好乖唔飲酒架! ) ... 味道就一般 fruit punch 咁啦不過都幾 refreshing 嘅 ...
小食方面,我們叫了鵝肝多士 ... 個鵝肝煎得剛剛好,唔會太燶又或者唔夠熟,入口即熔,加上番茄同微脆多士,配搭及口感極好!
另外我們叫了個芝士乳酪薯條,與其他美式餐廳嘅芝士薯條無異,薯條應該係新鮮炸起好 fresh 好脹卜卜,雖然唔太食出乳酪味道或口感,不過味道都良好! 之後係意式辣肉腸薄餅,初時我都有啲担心會唔會好似啲大型連鎖式 pizza 店咁 standard 預先整好晒嗰啲 ... 不過食了一口後 ... 真係好食到要比個讚佢! 芝士味夠,辣肉腸味出,餅底唔硬邊夠脆,食得出係新鮮做嘅 ... 正!
重有個卡邦尼意粉,意粉幾乾身,味道不俗 ,略嫌煙肉好似肥了點 ...
個啤酒煮青口相比下就失色了點點 ... 味道不算差,亦食出小許酒香 ,不過青口煮過後縮到半片指甲咁大,食完好似無食咁 ...
最後一個主菜,土耳其烤肉批 ... 肉餡非常惹味 ,略嫌個皮有點油,不過應該係土耳其食品特色掛 ...
到甜品時間,一口氣點晒餐牌上所列3樣,包括焦糖芝士餅,蘋果批配雪糕同冰火朱古力軟餅 ... 個人最喜歡嘅係焦糖芝士餅,啲焦糖响芝士餅上面一點都不覺溜,出奇地夾!
其次係蘋果批配雪糕,個蘋果批夠熱,配上雪糕一起食,極其冰火! 相反冰火朱古力軟餅,因為 brownie 唔夠熱,食唔出冰火口感,有點失望 ...
埋單連加一(及其他三杯飲品)計返每位約$240 ... 論地區計好像有點貴,不過論食物質素絕對物有所值,值得推介!!!
題外話/補充資料：
點餐落單時嗰位侍應可能因為我哋叫得多嘢又唔可以手寫,記得好似好辛苦,不過最終都無落錯單... :)
另外餐廳內有幾位侍應都幾靚仔 ... :D
服務方面都得不錯, water refilling ,執枱同埋單都得快,抵讚! :D
(以上食評乃用戶個人意見 , 並不代表OpenRice之觀點。)
張貼
