紫宸

營業中

休息中

葵涌廣場行一條天橋就到咗另一個商場，入面都有唔少嘢食架。新開咗一間台式料理店，外面睇落去裝修好新淨，環境企理。當日去到都座無虛席。台灣香腸－餐廳好貼心呢，切好晒比客人分享同埋方便夾起。香腸肉質結實同彈牙。蒜香茄子－第一次食呢款炸茄子，同天婦羅有啲唔同，又唔會有一層厚厚嘅炸粉包住。茄子輕輕炸過之後，淋咗醬油，加上有大量嘅蒜蓉同埋芫茜，幾開胃嘅前菜。鹽酥雞滷肉飯－台灣人必食嘅鹽酥雞同埋滷肉飯，呢個配搭簡直無得輸。一啖一個炸雞粒，停唔到口；滷肉就撈飯食，咁就唔會咁乾啦。