大本瀛日式放題

營業中

休息中

第一次係openrice 打食評，同班friend 黎到大本瀛食放題刺身新鮮，有頭赤蝦正，大多數岀面係細細隻仲要係冇頭。仲有個泰式生蝦同個汁真係好正，又辣又爽口。壽司方面，和牛壽司個汁好正，辣辣地好惹味，而劍魚腩好鮮嫩，加埋白松露好岩口味！象拔蚌壽司有煙靭口感。熟食黎到熱辣辣，有煙出架！鹽燒牛舌又爽又有咬口，翠玉瓜夠曬多汁Juice，食完啲油膩嘢食返燒菠蘿解下油膩，好甜，啲色好黃一睇就知熟晒。燒蝦肉質彈牙大隻，羊架又唔騷又唔韌好好味，甜品仲有自家製嘅木糠布甸奶凍同熱糖水，果日食係木瓜雪耳同紫米露，唔知之後會唔會轉呢？整體用餐體驗好好，除非嘢食啲招呼都好，會對著你噓寒問暖，睇下啲嘢食會唔會未到，又提我地趁熱食，會再幫襯。