影片
更多
2021-11-02
102 瀏覽
呢一間良心店，真係好值得去。食物又好食，貓隻又善良可愛。開心到唔捨得走～唔洗諗啦，嗌個2人餐，有湯、沙律、主食、餐飲，唔洗煩，又抵食。沙律同湯睇落細細碗。其實個湯真係幾足料！啖啖南瓜肉！沙律菜都新鮮爽脆！「溫泉蛋煙肉野菌黃金卡邦尼意粉」超足料。滿口都係忌廉，仲有好多野菌。撈埋隻蛋黃，有少少內疚，太creamy啦～「巴馬火腿拉絲水牛芝士手工薄餅」睇落個餅好厚，仲驚會好硬，食麵團。其實係超鬆化，條邊仲要好脆！仲好足料落好多芝士，真係拉到絲呀。啖啖芝士同火腿。正～仲有兩杯飲品，「香橙檸檬菠蘿紅茶」（左）同「蘋果醋荔枝伯爵茶」（右），呢兩杯飲品各自要加$20，無計啦我地想飲凍飲＋特飲呀。我同朋友交換一下飲，口味好清新，唔會好甜，解一解食左咁多芝士忌廉嘅油膩～我地兩個都好鐘意食甜品，但食完主菜已經好飽了。嗌一個甜品一齊食啦！呢個抹茶雪山心太軟（加$25）真係超流心～抹茶唔苦，亦不會太甜，外皮小小煙韌，而且有香濃綠茶味。我地一切開佢已經被秒殺無影到佢流心的相。仲有好多曲奇的雪糕，仲有極邪惡的忌廉，成餐飯都好滿足，忙住同乖乖的貓咪玩之外，仲食到比一般CAFE高質的食物，仲要每位只係$200，玩足90
唔洗諗啦，嗌個2人餐，有湯、沙律、主食、餐飲，唔洗煩，又抵食。
沙律同湯睇落細細碗。其實個湯真係幾足料！啖啖南瓜肉！沙律菜都新鮮爽脆！
「溫泉蛋煙肉野菌黃金卡邦尼意粉」超足料。滿口都係忌廉，仲有好多野菌。撈埋隻蛋黃，有少少內疚，太creamy啦～
「巴馬火腿拉絲水牛芝士手工薄餅」睇落個餅好厚，仲驚會好硬，食麵團。其實係超鬆化，條邊仲要好脆！仲好足料落好多芝士，真係拉到絲呀。啖啖芝士同火腿。正～
仲有兩杯飲品，「香橙檸檬菠蘿紅茶」（左）同「蘋果醋荔枝伯爵茶」（右），呢兩杯飲品各自要加$20，無計啦我地想飲凍飲＋特飲呀。我同朋友交換一下飲，口味好清新，唔會好甜，解一解食左咁多芝士忌廉嘅油膩～
我地兩個都好鐘意食甜品，但食完主菜已經好飽了。嗌一個甜品一齊食啦！呢個抹茶雪山心太軟（加$25）真係超流心～抹茶唔苦，亦不會太甜，外皮小小煙韌，而且有香濃綠茶味。我地一切開佢已經被秒殺無影到佢流心的相。仲有好多曲奇的雪糕，仲有極邪惡的忌廉，
成餐飯都好滿足，忙住同乖乖的貓咪玩之外，仲食到比一般CAFE高質的食物，仲要每位只係$200，玩足90分鐘，更重要係，撐同路人呀嘛。順帶一提，即使個場好多客人，好忙。但侍應們都好幫得手，做事爽手，有一兩位特別有禮貌，值得一讚～
記得過來之前要BOOK枱，否則有排排隊呀！
張貼
