Restoran SAYA

營業中

休息中

發現一間位於大角咀嘅高質泰北菜，菜式特別，味道又幾好，環境都好靚，啱晒打卡☺️生菜包豬肉碎，$108佢有兩款生菜包豬肉碎，一款係平時食開嘅版本，一款係larb muang moo版，既然食泰北嘢，梗係要個特別啲㗎啦，佢最特別之處係加入咗少少內臟，平時我好少食內臟，不過佢嘅味唔重，而且切到好細舊，所以我都大啖大啖咁食，佢仲俾咗幾款唔同嘅菜包嚟食，正👍🏻青咖喱雞，$128咖喱雞都整得好出色，上面係一塊切好嘅雞扒，下層有好多菜，有茄子、豆角等等，啱晒我。仲有配埋嘅蒜蓉包，撈埋啲咖喱汁，好好味😋我哋唔知有埋包，仲叫咗份印度飛餅，$38，不過胃口大嘅我哋最後都成功食晒。蟹肉炒飯，$138食完重口味嘅嘢，再食個清淡啲嘅炒飯先，佢完全唔油，飯粒分明，蟹肉都幾多，啖啖都食到，非常足料。