Pizza Piazza (已結業)

去荔枝角都必會去行D2 place，行過去pizza piazza都係5分鐘內，超近荔枝角地鐵站！一開始黎左杯咖啡先，杯咖啡都幾有水準，估唔到連咖啡都唔錯！終極漢堡5成熟，肉唔會乾，味道幾好！又有番茄同菜中和返，唔會太膩！薯條熱辣辣，即叫即炸，好好味！有4款醬汁俾你調味！Pizza試左黑松露誘惑同埋紅魔鬼，pizza餅底硬身，幾香口，黑松露好香。辣肉腸又唔會太辣，岩我呢啲唔食得辣嘅人！餐包同餐湯都唔錯！湯係南瓜湯，好足料，好多南瓜茸，唔夠喉！最後呢度啲服務真係幾好！職員又會介紹好多pizza口味，又會推薦食唔同嘅野食！花多眼亂嘅時候，有人提供意見係一件好好嘅事！下次再黎行街嘅時候，都要再黎試下其他pizza先！