影片
更多
2022-10-09
126 瀏覽
觀塘工廠大廈不嬲都有好多小店，今次朋友搵咗一間食壽喜燒嘅餐廳，見佢價錢合理，評價也不錯，所以就試吓啦！姐揀咗set B 日本產A5和牛，姐同朋友都鍾意食油脂香啲嘅牛肉😋前菜有3款- 和牛餃子：相當飽滿- A5 炙燒和牛，配上燒肉汁加蛋漿一齊食，幾鮮味👍- 柚子豆腐好清新，豆腐豆味都好重！我地既Set B一共會試到5個部位，有啲牛味重，有啲油膩感相對較重，每次師傅燒之前都會同我地講解，同配上最夾既配菜- 肩胛芯，有啲似肉眼，牛味冇咁重，配上大葱一齊食- 上肩里脊肉，較多油香，但肉相對會少啲，另外芋絲入曬味，都好正😋- 牛板腱，呢個油脂肉味平衡啲，同豆腐一齊燒👍- 牛上肩，纖維感較重，但一啲都唔韌！- 牛正肩，纖維感同牛味最強，即是之前食咗幾款肉，都食得出好濃烈嘅牛味！最後有雜炊濕炒飯，加上蛋，紫菜，和牛同葱一齊煮，雖然本身已經好飽，但因為好好食，所以都食得晒😂
姐揀咗set B 日本產A5和牛，姐同朋友都鍾意食油脂香啲嘅牛肉😋
前菜有3款
- 和牛餃子：相當飽滿
- A5 炙燒和牛，配上燒肉汁加蛋漿一齊食，幾鮮味👍
- 柚子豆腐好清新，豆腐豆味都好重！
我地既Set B一共會試到5個部位，有啲牛味重，有啲油膩感相對較重，每次師傅燒之前都會同我地講解，同配上最夾既配菜
- 肩胛芯，有啲似肉眼，牛味冇咁重，配上大葱一齊食
- 上肩里脊肉，較多油香，但肉相對會少啲，另外芋絲入曬味，都好正😋
- 牛板腱，呢個油脂肉味平衡啲，同豆腐一齊燒👍
- 牛上肩，纖維感較重，但一啲都唔韌！
- 牛正肩，纖維感同牛味最強，即是之前食咗幾款肉，都食得出好濃烈嘅牛味！
最後有雜炊濕炒飯，加上蛋，紫菜，和牛同葱一齊煮，雖然本身已經好飽，但因為好好食，所以都食得晒😂
張貼
