星十五

營業中

休息中

聽朋友講尖沙咀加連威老道有間新開嘅中式糖水店唔錯，於是去試一試佢♥️因為冬天有啲凍，想食返啲熱嘢，所以揀咗熱嘅黃金番薯薑王糖水同椰皇燉鮮奶。黃金番薯薑王糖水🔸裝滿金黃色嘅番薯，賣相非常吸引，令人心情愉悅。一飲入口，濃濃嘅薑味充斥着成個咀，微微嘅番薯味，清香鮮甜，食完成個人暖晒，冬天食真係好適合！ ✔️椰皇燉鮮奶🔸成個椰皇咁上碟，好壯觀，奶白色嘅鮮奶，睇落好精緻，撳唔到淡淡嘅奶香味同椰皇味，食落味道濃郁，又有營養，真係一款令人滿意嘅甜品！