阿木台灣麵 (廣華街) (已結業)

次次經過都好多人排隊，今日都唔例外，等咗好耐，終於可以一試呢間好多人推薦嘅台灣店！呢度除咗係間特色台灣餐廳，仲有賣台灣食品，款式都好多吓。我地叫咗兩款唔同湯底嘅牛肉麵，兩款湯底都好好食！！😍😍紅燒牛肉湯底好香牛肉味，而番茄湯底味十分濃郁，入面仲有新鮮番茄😋麵相當有彈性，有驚喜最吸引係呢度嘅牛肉，份量驚人！！有四大塊，而且每塊都好厚，煮得好軟😍😍芝士肉鬆蛋餅好好食，蛋餅好香蛋味之餘仲好軟，配埋肉鬆同芝士簡直係完美配搭。如果叫指定食品，可以半價叫飲品😍奶蓋香濃，烏龍茶味不太出，飲到底啲糖好似未撈勻咁，有啲失望...如果用透明杯賣相會吸引啲！整體嚟講，呢度嘅食物質素唔錯，回頭率高，食完終於明點解咁多排隊，唯獨是環境有啲擠逼，未必適合座好耐。