北斗

營業中

休息中

朋友生日，知佢鐘意食日本野，於是帶左佢去我食過嘅Omakase，餐廳由日本人主理，由日本廚師發辦，材料都係空運過來。餐廳店裝修日本風格，以綠色雲石為主，高貴雅致。餐廳主要有兩款Omakase，分別「北」同「斗」，我哋叫左「斗」，有前菜、清湯、刺身、串揚、燒物、食事、甜品。前菜馬糞海膽及北海道帶子馬糞海膽質地滑膩，入口即化，非常鮮甜；而北海道帶子鮮甜夾口。蜆湯清湯底，湯底清甜，蜆肉鮮嫩，仲有好多鴻喜菇。刺身北寄貝、八角、平正魚配黑魚子刺身新鮮同鮮甜，爽口彈牙。生蠔生蠔非常大隻，鮮甜creamy，配上清新橘子汁，非常好食。火炙大拖羅炙燒大拖羅充滿魚油脂香，入口即融，好好食。串揚有京都萬願寺唐辛子、沙鎚魚、魷魚、炸秋刀魚及松葉蟹。京都萬願寺唐辛子，比平日食開辣椒更香更甜；沙鎚魚、魷魚、炸秋刀魚，脆漿非常薄，外脆內嫩，魚肉保持鮮美嘅口感，而魷魚就彈牙鮮甜。而松葉蟹蓋裏滿滿嘅蟹肉同蟹膏，非常鮮味。燒物依勢龍蝦配海膽，龍蝦肉質鮮嫩，爽口彈牙，配上香濃嘅海膽，美味。食事明太子茶漬飯有著鮮美嘅明太子味道，配上軟糯嘅飯粒及清湯，口感好好。靜岡蜜瓜蜜瓜非常清甜，肉質細緻，帶出清新嘅果香。