鍋牛

營業中

休息中

呢間叫鍋牛嘅打邊爐都係第一次去，基本上一定要訂枱。佢最好嘅地方就係每張枱都可以有自己嘅空間，有包房！咁你想幾嘈都得啦！朋友先點左個象拔蚌刺身，跟住仲有魚生刺身，都係好新鮮好好食，切得又薄，刀工啊非常之好！咁打邊爐呢，我哋就叫咗芫荽湯底同埋豬骨湯底，本身呢兩個湯底都好鮮，我哋飲咗兩啖湯覺得好正！你到呢度一定要介紹食呢個牛肉，你淨係睇吓幅相已經夠晒架勢，其實呢我就分唔到自己食咗乜嘢部位嘅肉，但係有肥有瘦有嫩，都係各有特色！