泰濃麵 (樂道)

營業中

休息中

係尖沙咀做完facial，見有啲餓，自己一個食咩好呢？行到樂道呢條街，見到都有人係門口望望下，原來係食泰式粉麵，就試下啦！好，坐低睇下有咩好食先。叫左船湯，個湯係黑胡椒豬骨，先試飲一啖湯底，好濃郁既豬骨湯，帶微微黑胡椒味，就咁飲湯都好正。夾起個麵，個麵爽口又滲出湯底味。雞髀肉，好有鮮雞味，唔是雪藏，啖啖肉鮮雞，配菜仲有秋葵、魚蛋、蘿蔔。炸蝦片，咸、香、脆，會追住食，仲有個另類食法，就係點個船湯黎食，蝦片索左個湯底仲好食。熱薑蜜，真係飲到手切薑絲，夠晒薑！