影片
更多
2014-01-07
1829 瀏覽
舊年先開嘅玉桃軒酒家, 第一餐點心已嚇怕我地, 所以一直未有重臨, 直至上月師博擺大壽, 再食又OK喎, 導致我地今日膽粗粗來試晚餐, 結果...當年今日的環境照... 今天入口呢個擺設旁邊擺滿枱櫈...明明餐廳入面得1枱客, 經理竟然迫我地坐係大門口的通道位置, 我唔肯, 佢就指住部電視話呢個位有電視睇, 我開始細火, 同佢講"我唔睇呢個台o架!!!!!!", 佢好似當我係熄電視果班示威人士衝擊XX咁, 見到佢驚到成個身挨後問"點解?", 我Keep住個文火答"好耐無睇啦, 我唔坐呢度路口!!!", 佢先死死地氣比我地坐入少少, 果度都有電視, 擺明想當我地係門口做佈景版...我地係被門口的"$268晚飯三寶"廣告牌吸引入來的, 當然要一試... "$268晚飯三寶"有半隻一品蒜香雞, 清蒸海石班一條, 任選小菜一款... 超豐富...一品蒜香雞 (半隻)-- 半隻雞份量十足, 皮薄脆, 雪雞口感當然不會嫩滑, 但不至死硬o鞋口的, 味道中規中矩的雪雞味, 可惜雞肉有大量紫藍色斑點, 食得我心慌慌大打折扣...清蒸海石班-- 蒸的時間剛好, 魚肉離骨但唔o鞋, OK滑但未至於溜走,
當年今日的環境照... 今天入口呢個擺設旁邊擺滿枱櫈...
明明餐廳入面得1枱客, 經理竟然迫我地坐係大門口的通道位置, 我唔肯, 佢就指住部電視話呢個位有電視睇, 我開始細火, 同佢講"我唔睇呢個台o架!!!!!!", 佢好似當我係熄電視果班示威人士衝擊XX咁, 見到佢驚到成個身挨後問"點解?", 我Keep住個文火答"好耐無睇啦, 我唔坐呢度路口!!!", 佢先死死地氣比我地坐入少少, 果度都有電視, 擺明想當我地係門口做佈景版...我地係被門口的"$268晚飯三寶"廣告牌吸引入來的, 當然要一試... "$268晚飯三寶"有半隻一品蒜香雞, 清蒸海石班一條, 任選小菜一款... 超豐富...
一品蒜香雞 (半隻)
-- 半隻雞份量十足, 皮薄脆, 雪雞口感當然不會嫩滑, 但不至死硬o鞋口的, 味道中規中矩的雪雞味, 可惜雞肉有大量紫藍色斑點, 食得我心慌慌大打折扣...
清蒸海石班-- 蒸的時間剛好, 魚肉離骨但唔o鞋, OK滑但未至於溜走, 豉油鹹甜適中獨缺鮮味, 整體口感同味道係幾OK, 難得Honey都肯食, 但我總覺得有點不對勁, 思前想後, 應該係原材料的問題, 魚肉欠鮮味...
豉汁涼瓜牛肉-- 任選小菜有十多款, 不乏選擇, 我同Honey討論牛肉唔知係咪真係牛肉之時, 女侍應搭訕話真係牛肉, wakakakaka... 其實我地係講緊好多餐廳將牛肉拍拍拍, 拍到扁晒好似好大塊咁, 但已經無晒牛肉的口感... 呢度都有拍, 大約50%左右, 勉強可以接受 (近日吃過拍了90%的真吃不出是肉)... 醬汁味道非常之OK, 涼瓜係強烈要求下煮得OK腍, 唔計牛肉, 真係OK得...
涼瓜食咗一半先記得影相, 哈哈...全晚不足10枱客, 服務接近人釘人, 但只可以說是可以... 女侍應態度正面, 但服務細節仍有待學習...
環境好寧靜, 如果唔介意食物材料, 又想一大班朋友傾下計, 呢度真係幾OK, 門口有水晶吊燈, 趁佢裝修仲幾新淨, 見得下人...
"$268晚飯三寶"埋單$340... 1碗白飯$11... 1碗白粥$11... 2杯茶$20... 加埋一...
坦白講, 又魚又雞再加個菜, 真係OK抵, 出街食蒸魚喎...
但我還是會隔一排先會再來, 始終$340有更好吃的地方...
張貼
