影片
更多
2025-02-25
57 瀏覽
星期日同朋友相約食韓式Fine dining🇰🇷香港有好多韓國菜餐廳，但韓式Fine dining真係第一次試，同朋友各點咗$538 for 4 Courses，滿心期待🧡餐廳位於銅鑼灣核心地段Sugar+嘅23樓，餐廳環境寧靜，落地玻璃望到市景🏙️望到山⛰️望到海⛴️ 好啱星期日悠閑又舒適嘅Vibe🌥️Deul Kkae - Juk————————————餐廳介紹依個Juk嘅材料係韓國當造特色蔬菜、韓牛、新鮮蜆肉同自家大米，用15小時以上烹調嘅傳統粥。米被磨細，所以入口比較順滑，加上麻油，味道昇華。配上一片由釜山大米壓制而成嘅米餅🍚米焦入口非常香。Jili - Tang————————————鮮魚高湯真係好鮮甜，打成泡沫🫧有儀式感。𠝹花鮑魚滲透鮮甜嘅高湯，釜山鮑魚本身亦非常新鮮，好彈牙！有創意嘅海鮮Course。Jan Chi - Grill Hanwoo Beef +$180————————————主菜有豬🐷牛🐮鰻魚三選一，我同朋友各揀咗牛同鰻魚。牛有分澳洲和牛或者加+$180烤韓國頂級1++韓牛🐮韓牛出名罕有又高檔，1++為最高級別，牛味濃郁，油脂適中，肉汁好豐富，配上甜甜嘅紅蘿蔔泥🥕精
Deul Kkae - Juk
————————————
餐廳介紹依個Juk嘅材料係韓國當造特色蔬菜、韓牛、新鮮蜆肉同自家大米，用15小時以上烹調嘅傳統粥。米被磨細，所以入口比較順滑，加上麻油，味道昇華。配上一片由釜山大米壓制而成嘅米餅🍚米焦入口非常香。
Jili - Tang
————————————
鮮魚高湯真係好鮮甜，打成泡沫🫧有儀式感。𠝹花鮑魚滲透鮮甜嘅高湯，釜山鮑魚本身亦非常新鮮，好彈牙！有創意嘅海鮮Course。
Jan Chi - Grill Hanwoo Beef +$180
————————————
主菜有豬🐷牛🐮鰻魚三選一，我同朋友各揀咗牛同鰻魚。牛有分澳洲和牛或者加+$180烤韓國頂級1++韓牛🐮韓牛出名罕有又高檔，1++為最高級別，牛味濃郁，油脂適中，肉汁好豐富，配上甜甜嘅紅蘿蔔泥🥕精緻又可以中和食肉嘅膩感。
Jan Chi - Roasted Freshwater Eel
————————————
鰻魚外皮烤到帶點焦香，非常香口，鰻魚肉質鮮嫩富彈性，配上微辣嘅Seafood sauce提升鮮味。伴上薑味薯蓉夠特別🫚
JinSu - Sung Chen
————————————
食一碗熱熱嘅釜山自家農田珍珠米飯🍚陣陣米飯香氣，入口黏糯，粒粒飽滿。再加一碗熱熱嘅48小時鰻魚湯，非常鮮甜。配上五種時令特色釜山伴菜，每款都鹹鹹香香，伴飯一流。
最後奉上咖啡或茶同韓國傳統小吃，非常Enjoyable嘅一餐。
張貼
