士林台灣麵

營業中

休息中

呢間食牛肉麵喺元朗都出哂名喺人都識，次次經過都好多人食，冇咩耐性嘅我，如果要等位一定唔會揀，所以就一直冇去試。呢日喺平日仲要午市前，經過無咩人，直入唔洗等位，就點佢個紅燒牛肉麵，等咗一陣好快上。深啡色湯底味道濃郁，配埋三嚿大大嚿嘅牛腩，確實吸引，習慣食麵前先飲啖湯，味道都是一貫牛肉麵般，濃郁而偏咸，不過曾經食過一間台式牛肉麵，佢嘅湯底是清甜不膩嘅牛腩湯，非常出色，到依家仍然印象深刻，所以對於呢種口味嘅湯底，唔係唔好味，但我比較鐘意清甜啲嗰種。而牛腩就炆得好腍好入味，腍嘅程度喺一夾就散開，每嚿都連埋少少筋，仲要好大嚿，咬落完全無渣又唔會痴牙，完全滿足到鐘意食牛嘅食肉獸們。其他如麵同菜都偏硬，不過對我嚟講主角係肉同湯，所以呢啲少缺點就無咩所謂，總括而言如果唔洗排隊等位，$60嘅價錢係值得一試嘅。