洪師父牛肉麵

營業中

休息中

一入嚟侍應姐姐西口西面，舉手落單佢連續幾次佢見到都扮見唔到，以為佢盲咗😅跟住叫咗另外個侍應哥哥嚟先知原來部電腦壞咗落唔到單，心諗你唔講我鬼知咩😅🙏🏻之後隔咗一陣嗰位姐姐成個qr code pat落嚟張枱度，原來係要自己落單，真係多謝曬🙏🏻🙏🏻之後每樣嘢食嚟到，侍應都係dum dum dum咁pat啲嘢食落枱，差啲成碗湯淋到落我個身度！但佢照樣一句嘢都無講過，西口西面咁走咗食物方面自己睇相啦😅滷豬耳同豬大腸都好似琴晚食剩喺雪櫃拎出嚟咁，仲要凍冰冰，食慾全無😅😅另外叫咗麻醬拌麵同牛肉麵，麻醬拌麵質素還可以，但牛肉麵個湯底好似豉油溝水咁，見到都唔開胃😅😅強烈建議唔好幫襯!!!