影片
更多
2018-01-26
153 瀏覽
雖然從未去過越南，但可能因為曾經喺法國工作，每到冬天就會好想食下熱嘢。因為越南曾經係法國殖民地，好多越南人都移居到法國，所以法國有好多好好味嘅越南嘢食 ！食牛粉，湯底係非常重要，因為河粉本身無咩味道，真係好靠湯底 ！聽講呢度係曾被美國嘅Wall Street Journal評為胡志明市最好味嘅牛肉粉㖭 ！今次專登過嚟食下，希望可以止下掛住真正越南粉嘅癮啦 ！Menu好簡單，牛粉有五款，我呢啲吃貨，一定會點個綜合粉啦 ！入面有生牛肉、熟牛肉同埋牛丸，一嚟到一定要立即飲啖湯先 ！湯呀 ～～～湯呀 ～～～湯底唔算係非常濃郁，但係真係好鮮甜，好清，忍唔住一連飲咗幾啖，再將芽菜等配粉放入湯慢慢食。將河粉用筷子撥鬆，快快手咁食返啖，嗯～～夠薄夠滑有米香 ，正！之後，就試下個牛丸，咦 ！有驚喜喎！牛丸爽口彈牙，仲有啲肉汁喎 ！生牛肉好有牛味，嗱嗱嗱！唔係雞有雞味呀下，即係好濃嘅牛味，唔係雪咗十年嘅雪味，又未到膻味咁。不過真係略嫌小家咗啲，得幾塊好細細塊嘅。熟牛肉感覺似牛腩咁，厚切，不過比生牛肉遜色喇！我同朋友仲點咗個小食，係魚香芒果米紙卷。天啊～芫茜呀～ 無辦法啦，唔鍾意都要頂硬上啦！用米紙卷住一啲
食牛粉，湯底係非常重要，因為河粉本身無咩味道，真係好靠湯底 ！聽講呢度係曾被美國嘅Wall Street Journal評為胡志明市最好味嘅牛肉粉㖭 ！今次專登過嚟食下，希望可以止下掛住真正越南粉嘅癮啦 ！
Menu好簡單，牛粉有五款，我呢啲吃貨，一定會點個綜合粉啦 ！入面有生牛肉、熟牛肉同埋牛丸，一嚟到一定要立即飲啖湯先 ！湯呀 ～～～湯呀 ～～～
錦麗綜合粉
$62
30 瀏覽
0 讚好
0 留言
湯底唔算係非常濃郁，但係真係好鮮甜，好清，忍唔住一連飲咗幾啖，再將芽菜等配粉放入湯慢慢食。將河粉用筷子撥鬆，快快手咁食返啖，嗯～～夠薄夠滑有米香 ，正！之後，就試下個牛丸，咦 ！有驚喜喎！牛丸爽口彈牙，仲有啲肉汁喎 ！生牛肉好有牛味，嗱嗱嗱！唔係雞有雞味呀下，即係好濃嘅牛味，唔係雪咗十年嘅雪味，又未到膻味咁。不過真係略嫌小家咗啲，得幾塊好細細塊嘅。熟牛肉感覺似牛腩咁，厚切，不過比生牛肉遜色喇！
魚香芒果米紙卷
$22
41 瀏覽
0 讚好
0 留言
我同朋友仲點咗個小食，係魚香芒果米紙卷。天啊～芫茜呀～ 無辦法啦，唔鍾意都要頂硬上啦！用米紙卷住一啲魚肉、菜、醃蘿蔔青瓜同芒果，估唔到又幾夾，感覺清新，都好值得試下 ！
張貼
