快樂小羊火鍋餐廳

營業中

休息中

之前已經聽過呢間嚟自蒙古嘅全羊火鍋餐廳已經喺一月份到港，尤其見到餐廳打住選用六個月大嘅蒙古放牧羊嘅其號，鐘意食羊肉嘅我當然要嚟品嚐一吓。餐廳分三層，地方超大，坐位同環境喺旺角地區嚟講已經係非常之好；而且店內嘅火鍋邊抽氣設計，雖然飄住陣陣湯底香味，但係就冇油煙嘅感覺，抵讚!呢度嘅湯底簡單啲嚟講分4種，有清鍋(藥膳湯)、蕃茄鍋、麻辣鍋同酸湯鍋，可以"雙拼"或者"三拼"，同行友人話試過酸湯鍋麻麻地，於是我地就叫咗清鍋加麻辣鍋。想知呢度嘅湯底味道如何? 我會用"小肥羊超濃版"嚟形容，味道非常接近"小肥羊"，清鍋嘅藥膳同香料味好重，而麻辣鍋就有D失望，一啲都唔辣...無錯，係一啲都唔辣，不過個人覺得兩個鍋都唔需要點任何醬食，因為湯底已經非常之濃郁。而對比起湯底，呢度嘅火鍋料更有誠意，樣樣都好新鮮，而且價錢唔算貴，大食之人散叫都一樣夠飽。P.S.: 自製土豆粉必點，吸晒湯汁超好味!肉質鮮嫩而帶微微嘅羊膻味，正即係(牛栢葉)，處理過嘅(牛栢葉)可以話係烚極都唔會靭~個人就覺得除咗賣相打破傳統之外...冇乜特別熱辣辣鐵板上，非常野味，略嫌肥咗少少以食物而言餐廳的確用盡心思，整體味道亦都好好；不過對於嗜