影片
更多
2014-08-12
389 瀏覽
呢日特地來呢個商場睇戲，都知太古呢頭有幾間分店，買完飛緊係搵間未去過的啦，行下搵下就來到呢間新Starbucks喇！係門口進入去已經覺得幾舒服，最好嘅係竟然冇學生係到霸枱溫書，全部都係成年人，同我一樣來歎返杯嘅！Good！草莓士干餅 Strawberry Scone ($17)呢個係上年夏天推出嘅，今年夏天又翻出來仲貴左$1。表面鋪滿粒粒亞麻籽、裡面有粒粒草莓乾，叫職員翻烤耐Ｄ，表面金黃致餅邊鬆化，正！裡面質感鬆鬆軟軟，味道唔會好甜，餅心有Ｄ濕潤唔乾，加埋草莓果乾少少酸唔會膩，都幾好食更食得飽添。榛子杏仁丹麥酥 Hazelnut Claw ($19)本身覺得丹麥酥熱食會好食Ｄ，所以先叫職員幫我翻烤熱Ｄ燶Ｄ，果然熱左係香Ｄ嘅，表面又酥脆了不少呢。裡面雖然見到一層層酥皮，不過都唔覺鬆脆，仲覺得有點實嘅......見佢形狀成隻咁，中間有榛子醬，唔甜嘅，不過都唔榛子味啫，只得係果仁醬喇，表面有香脆的杏仁片增加口感，若可多加Ｄ杏仁片就更好啦。肉醬雙層芝士千層闊麵 Double Cheese Lasagna ($55)翻烤完出來熱辣辣，面層微燶的芝士好香，裡面以白汁居多，闊麵都幾煙韌，如果一個人食
係門口進入去已經覺得幾舒服，最好嘅係竟然冇學生係到霸枱溫書，全部都係成年人，同我一樣來歎返杯嘅！Good！
草莓士干餅 Strawberry Scone ($17)呢個係上年夏天推出嘅，今年夏天又翻出來仲貴左$1。
表面鋪滿粒粒亞麻籽、裡面有粒粒草莓乾，叫職員翻烤耐Ｄ，表面金黃致餅邊鬆化，正！
裡面質感鬆鬆軟軟，味道唔會好甜，餅心有Ｄ濕潤唔乾，加埋草莓果乾少少酸唔會膩，都幾好食更食得飽添。
榛子杏仁丹麥酥 Hazelnut Claw ($19)本身覺得丹麥酥熱食會好食Ｄ，所以先叫職員幫我翻烤熱Ｄ燶Ｄ，果然熱左係香Ｄ嘅，表面又酥脆了不少呢。
裡面雖然見到一層層酥皮，不過都唔覺鬆脆，仲覺得有點實嘅......
見佢形狀成隻咁，中間有榛子醬，唔甜嘅，不過都唔榛子味啫，只得係果仁醬喇，表面有香脆的杏仁片增加口感，若可多加Ｄ杏仁片就更好啦。
肉醬雙層芝士千層闊麵 Double Cheese Lasagna ($55)翻烤完出來熱辣辣，面層微燶的芝士好香，裡面以白汁居多，闊麵都幾煙韌，如果一個人食就真的太膩，肉醬唔鞋口也不錯嘅。
張貼
