本色鍋品料理

營業中

休息中

入秋同朋友聚面打邊爐絕對係唔錯嘅選擇。今次揀咗呢間位於北角丹拿道《本色鍋品料理》。餐廳面積頗大，座位坐得舒服。一品酸菜魚鍋 ($288) - 採用整條桂花魚，魚肉鮮甜無骨，口感十分嫩滑。魚鍋湯底內有兩款鹹酸菜、大豆芽、芫荽、芹菜……等多種材料，味道酸甜有層次，相當滋味。美國牛頸脊 ($208) - 色澤鮮紅新鮮，油花分佈均勻，牛味濃而不羶；口感滑而不韌。美國桶蠔 ($158) - 新鮮大隻脹卜卜，creamy有蠔味，相當不俗。生根 ($28) - 一份有好多粒，相當抵食。呢度嘅湯底用料豐富美味，食材亦好新鮮，價錢實惠，絕對係個打邊爐嘅好選擇。