影片
更多
2025-05-28
723 瀏覽
年年四、五月都有好多生日飯局，一家人一齊食飯唔少得。上個月已經嚟呢度食咗一餐生日飯，個個讚不絕口。今個週末又係兩個家姐生日，我哋再嚟食返餐，今餐俾上次印象更深刻。今次我負責落單，入到餐廳首先搵返上次幫手打點一切風趣又盡責嗰個副主任- 「波士」(我改嘅化名😂），我哋想食返上次嗰隻珊瑚蟹，但係原來單點超貴😛，「波士」建議將個套餐入面一啲菜式加大，咁我哋又食到好正嘅蟹又唔會唔夠食。😋😋👍👍人未到齊但係又驚啲小朋友肚餓，我哋叫咗兩款小食，有攞嘅時候要啲技巧嘅麥糖花生脆芋絲，同埋外脆內嫩嘅脆炸椒鹽魷魚，當然仲有食到停唔口嘅木薯片。😋😋人齊哂我哋反傳統先吹蠟燭食壽包，壽包細細隻，我自己覺得反而好啲，因為唔使迫自己食晒一個大包。吹完蠟燭，就到今晚亮點之一，超級美味嘅冰鎮飽魚，上次掛住食唔記得影相，今次影到啦！😁 呢個鮑魚一定要推介，雖然係凍食，但係味道同口感都超正，就連席上長者們都無懼冰鎭！😂鮑魚好腍，切開一條條，加埋個酸酸地嘅蒜蓉汁，靚靚咁放返入個殼度，仲有啲切到好幼嘅白蘿蔔絲伴碟，清爽鮮甜，既特別又好食，個個食到舔舔脷！我連蘿蔔絲都冇放過，將佢哋放入鮑魚殼啲蒜蓉汁，當沙律食勁好味！😋😋😋😋鮑魚之
今次我負責落單，入到餐廳首先搵返上次幫手打點一切風趣又盡責嗰個副主任- 「波士」(我改嘅化名😂），我哋想食返上次嗰隻珊瑚蟹，但係原來單點超貴😛，「波士」建議將個套餐入面一啲菜式加大，咁我哋又食到好正嘅蟹又唔會唔夠食。😋😋👍👍
人未到齊但係又驚啲小朋友肚餓，我哋叫咗兩款小食，有攞嘅時候要啲技巧嘅麥糖花生脆芋絲，同埋外脆內嫩嘅脆炸椒鹽魷魚，當然仲有食到停唔口嘅木薯片。😋😋
脆炸椒鹽魷魚
$168
136 瀏覽
0 讚好
0 留言
人齊哂我哋反傳統先吹蠟燭食壽包，壽包細細隻，我自己覺得反而好啲，因為唔使迫自己食晒一個大包。吹完蠟燭，就到今晚亮點之一，超級美味嘅冰鎮飽魚，上次掛住食唔記得影相，今次影到啦！😁
冰鎮鮑魚
184 瀏覽
0 讚好
0 留言
呢個鮑魚一定要推介，雖然係凍食，但係味道同口感都超正，就連席上長者們都無懼冰鎭！😂鮑魚好腍，切開一條條，加埋個酸酸地嘅蒜蓉汁，靚靚咁放返入個殼度，仲有啲切到好幼嘅白蘿蔔絲伴碟，清爽鮮甜，既特別又好食，個個食到舔舔脷！我連蘿蔔絲都冇放過，將佢哋放入鮑魚殼啲蒜蓉汁，當沙律食勁好味！😋😋😋😋
鮑魚之後係剁椒鹵燻蹄，因為顏色比較深，所以望落有啲似牛展，仲以為剁椒會辣，其實一啲都唔辣，我一個人都食咗幾塊。🤣
剁椒鹵燻蹄
17 瀏覽
0 讚好
0 留言
花雕蒸珊瑚蟹喺今餐嘅主角，全枱人都讚不絕口，連平日唔係好食海鮮嘅家姐都食咗好多件。雖然話係花雕酒蒸，酒味唔會好濃，仲要下面嗰啲好似蒸蛋嘅嘢，又滑又好味。大人細路都冇停手，上次家姐「美人照鏡」清碟，今次輪到細佬連蟹殼都刮到乾乾淨淨。😂👍👍👍😋😋😋
花雕蒸珊瑚蟹（約2500g）
15 瀏覽
0 讚好
0 留言
古越龍山十年花雕
$288
33 瀏覽
0 讚好
0 留言
今晚個餐有白切獅頭鵝，就咁睇仲以為係普通鹵水鵝，鵝肉口感滑，唔會太鹹，好食過某啲潮州滷水鵝店嗰啲。👍
白切獅頭鵝
73 瀏覽
0 讚好
0 留言
我覺得食牛腩好麻煩，如果啲牛腩煮得唔夠腍就會「黐牙」，呢個清湯牛坑腩上枱打開蓋嗰陣，牛腩嘅香味跟住啲蒸氣湧出來，既然咁香，黐牙都要試吓。🤣🤣一啖咬落去，牛腩出乎意料嘅腍，牛味十足。除非你唔食牛，如果唔係都幾難抗拒！
清湯牛坑腩
24 瀏覽
0 讚好
0 留言
薑蔥煀東星斑
14 瀏覽
0 讚好
0 留言
食咗咁多肉，最好就係有碟靚菜，呢個濃湯野菌時蔬啱晒口味，連小朋友都鍾意食，又係食到一條都冇剩。😋😂
最後呢個龍蝦湯泡貴妃飯都幾特別，唔係普通湯飯，因為龍𧎚湯入面除咗普通白飯，仲有啲脆脆哋嘅飯粒，口感好特別，可以用「夠料、美味、有特色」嚟形容。
龍蝦湯泡貴妃飯（鍋）
$248
33 瀏覽
0 讚好
0 留言
飯後甜品有呢個桃膠西米露，唔太甜仲有好多桃膠，「波士」好識氹小朋友，送完橙汁又送芒果布甸。今餐喺美味甜品後劃上句號。
今日天公做美可以喺餐廳露台清晰睇到「幻彩詠香江」，呢度嘢食固然好，特別係冰鎮鮑魚同埋花雕蒸珊瑚蟹，服務態度都係非常好，副主任固然係抵讃，其他員工都親切慇勤。雖然人均消費要$620，但係預咗食高級嘢就預埋人均消費會高啲。😊講真，其實好多酒店嘅「全包宴」人均消費都差唔多啦。😂
P.S. 由於相片限上載12張，有啲相冇「哂」出嚟，其實佢哋個西湖海鮮羹好飲，不過睇相同龍蝦湯泡貴妃飯好似。裝橙汁個兩層玻璃杯同埋花雕酒個木盒都好特別。仲有佢哋酒吧嗰邊有幅好震撼嘅酒櫃牆，特高嘅樓底突顯咗呢個巨型酒櫃有幾壯觀。😊
張貼
