話說我經OPEN RICE book 枱，然後係今年10月22日和26日都有準時入座，並表明經OP book 枱，但之後都收到OP話我無出席，要經過一翻澄清後，OP才作出更正。 我第一次有咁嘅經驗。 我都有諗過係咪OP出錯呢？ 不過，見過上址員工表現後，都會相信係上址員工出錯。
個度除咗一個有紋身嘅男BARTENDER 服務態度良好之外，所有侍應除咗件制服似係返緊工之外，整體狀態都係自HIGH或魂遊當中。 眼見佢地都好熱情咁招呼緊 ... 自己D FD，好多一般顧客都經常處於叫天不應，叫地不聞嘅困境之中。
事實上，我兩次行入去之後，都要企咗好
一陣先有人發現門口多咗個人。
最精彩係店內有一對年輕侍應，除咗係度攬攬之外，仲順便打個長長車輪
，就呢方面嚟講，我本身都唔介意可以順便食花生 
。若你有興趣食飯時睇侍應咀咀，可以到上址碰碰運氣。講完侍應，講下BARTENDER。
上址BARTEBDER服務態度可以，但主力都係招呼自己友。
店內以12星座COCKTALS作招倈，BAR位亦裝飾得還算睇面。
不過，除咗一個有紋身既男BARTENDER 外，多名BARTENDER就真係仲要下多D苦功，例如有位靚靚BARTENDER
連舊冰都夾唔實，橙皮都放唔穩就順勢跌埋落杯度，又例如另一位女BARTENDER，SHAKE SHAKE個SHAKER，突然大叫「頂！漏奶既。」
其實，漏奶唔緊要，你唔叫得咁大聲，吸好個SHAKER咪再搖囉。 依家全部人都知你漏奶喇！
講完衰嘢，講返D正常嘢。
食物質素正常，總算勝過一般旺角樓上CAFE好多。環境也一流，尤其有露天位可食水煙，係呢個秋冬時份，都好有FEEL嘅。至於主打嘅COCKTAILS，就要睇你彩數，希望師傅出手調杯好嘢你飲啦。 若果去到旺角諗唔到食咩，都可以上去行轉。
1
1
