一龍蝦兩餸王

營業中

休息中

間唔中都會去雙餸飯店買幾個餸返屋企加餸。呢間之前未食過，因為見到個櫃擺咗勁多款唔同餸，又望落好吸引，所以就試吓佢。海鮮有白鱔、䱽魚、炸魚仔、蝦等肉有雞髀、蒸雞、糖醋骨、咕嚕肉、椒鹽豬扒、炸雞翼、辣子雞等菜有炒四季豆、苦瓜炒蛋、炒白菜菜心、西蘭花、炒薯仔絲、油麥菜等最後揀咗糖醋骨、辣子雞、炒四季豆、蒸白鱔、苦瓜炒蛋、椒鹽豬扒。糖醋骨 - 甜同醋味都好夠，一口size，都可以啖啖肉。辣子雞- 味道香辣，好啱餸飯。炒四季豆-四季豆同埋肉碎，仲好似加左橄欖菜一齊炒，炒得好香口，食既時候個口感仲keep 到好爽脆。蒸白鱔 -白鱔係厚切，魚肉彈牙，食得出係新鮮魚👍加左啲豆豉同葱花調味。椒鹽豬扒-有大概7-8塊，望落好吸引，豬扒醃得好味，啖啖肉。苦瓜炒蛋- 聽到前面有人叫，跟住黎叫🤭除咗苦瓜同蛋入面仲有啲木耳同瘦肉，食落好香蛋味又有啲肉既甜味，苦瓜同木耳都係爽脆，口感豐富。超啱送飯，必食之一。所有餸都冇過多調味，好有屋企味道。餐廳老闆都好友善，見到我選擇困難都耐心介紹，同D熟客有傾有講。門口望到個良心企業證書，值得欣賞。