L'AMOUR

難得星期日，同12月一齊生日的朋友補食好西😋當日超級凍，一坐低枱面已經有杯亂水，餐廳非常貼心。餐具亦都非常可愛，仲係用LC添。我地先叫咗一個前菜，烤加拿大海膽多士3pc/$198。每片多士上都有完整一條海膽，對得住呢個價錢，賣相好吸引。Main course 叫左傳統法式鵝肝牛柳$398，鵝肝又係好大塊，煎得好香，牛柳好林。另外叫左法式香料龍蝦海鮮薏米飯$368。呢個有驚喜！首先賣相都好靚，隻碟都有做裝飾，佢用咗薏米代替risotto，薏米好煙un，我覺得好食過risotto。龍蝦執到好濃味，又唔會太杰。見隔離枱杯嘢飲好特別，上面有個泡泡，我哋都叫咗兩杯嚟試吓。我唔飲酒，就叫咗杯冇酒精嘅，Sexy On Tree $98，蘋果味仲有啲果肉添。朋友就叫咗杯有cocktail，Dream $133，杯酒係藍色，好靚。不過個泡泡好易爆，要小心啲拎同埋打卡要快手。成餐飯都坐得好舒服，下次紀念日可以帶另一半嚟。值得一提嘅係，佢度門打開係可以見到出面，但閂埋嘅時候，就會變咗磨砂玻璃，望唔到出邊。成件事感覺好有privacy, 好得意。