影片
更多
2023-06-20
39 瀏覽
2023. 6.14.約咗愛人拍拖想食西餐又想食甜品好開心一打開個menu 有勁多甜品😍除咗本身嘅menu 仲有個{奧斯晚餐時段} 嘅dinner set。有8款畀我哋揀。樣樣都想試，唯有用排除法，揀咗{4.西班牙辣肉腸海鮮焗飯}，再加配咗兩個小食😋 我同愛人都係薯蓉怪 ，同埋我好鍾意食雞翼，所以揀 🧀烤芝士肉丸伴自家製薯蓉 🧀迷你芝士流心蛋燒南瓜煱伴脆皮單骨雞翼😋淨係睇個名已經好吸引好期待😍 湯怪有湯飲，開心仔🤭🧡今日係好甜嘅南瓜湯我見openrice啲食評入面有磨菇湯希望下次嚟 撞到磨菇湯bb啦😍 超級愛喝西湯嘅磨菇菇湯呀！！！！！❤️同埋碗湯好大碗 就咁放枱面影 睇唔出捧上手影就知道有幾大碗喇🥰 開心🧀烤芝士肉丸伴自家製薯蓉我哋點肉丸嘅時候，店員好細心，提醒我哋係好大份。我就心想，點會好大份，我幾大份都食得晒啦🤣嘩，一嚟到，真係有驚喜㗎，真係唔係細細份嘅餐前小食，一向覺得"追加" 嘅，只會細唔會大。勁開心呀，我同閨蜜有大大兜薯蓉食😍 驚喜位嚟喇💞 佢個肉丸唔知係自己整定係邊度攞貨，出奇好食😍有質感㗎！食到入面好似有啲牛筋丸嘅感覺有啲筋喺度嗰種
約咗愛人拍拖
想食西餐又想食甜品
好開心一打開個menu 有勁多甜品😍
除咗本身嘅menu 仲有個{奧斯晚餐時段} 嘅dinner set。有8款畀我哋揀。樣樣都想試，唯有用排除法，揀咗{4.西班牙辣肉腸海鮮焗飯}，再加配咗兩個小食😋 我同愛人都係薯蓉怪 ，同埋我好鍾意食雞翼，所以揀 🧀烤芝士肉丸伴自家製薯蓉 🧀迷你芝士流心蛋燒南瓜煱伴脆皮單骨雞翼😋淨係睇個名已經好吸引好期待😍
湯怪有湯飲，開心仔🤭🧡
今日係好甜嘅南瓜湯
我見openrice啲食評入面有磨菇湯
希望下次嚟 撞到磨菇湯bb啦😍 超級愛喝西湯嘅磨菇菇湯呀！！！！！❤️
同埋碗湯好大碗 就咁放枱面影 睇唔出
捧上手影就知道有幾大碗喇🥰 開心
🧀烤芝士肉丸伴自家製薯蓉
我哋點肉丸嘅時候，店員好細心，提醒我哋係好大份。我就心想，點會好大份，我幾大份都食得晒啦🤣
嘩，一嚟到，真係有驚喜㗎，真係唔係細細份嘅餐前小食，一向覺得"追加" 嘅，只會細唔會大。勁開心呀，我同閨蜜有大大兜薯蓉食😍
驚喜位嚟喇💞 佢個肉丸唔知係自己整定係邊度攞貨，出奇好食😍有質感㗎！
食到入面好似有啲牛筋丸嘅感覺有啲筋喺度嗰種😊 味道唔會太鹹 仲juicy㗎😊 薯蓉就唔係食開嗰啲好重牛油好重cream嘅，咁樣，佢同肉丸就絕配了！因為個肉丸夠juicy有濃香，如果個薯蓉係好重牛油味，咁就會食到好漏 食唔到個主菜㗎喇😃 所以佢呢個自家製薯蓉整得真係好好，好match個肉丸同埋啲芝士仲有個青新蕃茄醬。我覺得個廚師有花心思喺呢個位。我好想行入廚房同佢講，佢整得好好呀😊
接住落嚟上檯嘅就係嗰個南瓜喇🎃 一見到佢，已經好開心，個樣好好食！點知真係好好食，大家去到要點嚟試！佢直情似一個main course😍 啲滑捋捋、味道好好嘅蛋汁 撈埋焗溶咗嘅芝士 一羹畢落去 畢埋焗到軟淋度剛剛好嘅南瓜，嘩！我同閨蜜都即時心心眼咗😍😍係幸福嘅味道啊❤️❤️ 我哋兩個仲食埋個皮！！！因為真係牀好食呀😍😍
再試埋個傳說中嘅"雞翼"，我估佢今日冇單骨雞翼？嚟咗雞槌😆店員冇講，我都冇問。照試下啦😊，點知都係好好食，未係我最喜愛嘅調味，但外面脆，脆得嚟唔會吉親口，入面唔乾，夠淋😊 仲有，我係擺咗好耐先食㗎，擺咗咁耐都仲暖，好好 好好！唔係一早炸定，灘到凍冰冰嗰啲😉野食真係要熱㗎！
到main course 出場喇💛
我開頭以為佢係橙色，點知係黃色㗎😜好香好香～ 上面啲海鮮又好食 愛人話隻青口好食㗎 我太飽 冇食到 打咗包返屋企 畀屋企人食。 （想講，神奇嘅事嚟啦喇！對食冇乜要求嘅屋企人 第二日食完，竟然特地打電話畀我，話我知個飯好好食！！ 唔讚食物嘅人竟然讚好食 真係不得了 仲大讚個肉丸好食。犀利，隔咗夜都好食，好犀利🤩 我都好開心 可以同到屋企人分享到美味🤗❤️） 知道會有人唔食辣又唔鍾意食辣肉腸 我想講佢嘅辣肉腸切咗粒 融入咗啲飯度 幾乎食唔出 所以怕辣嘅女仔都可以唔使驚 照嗌嚟食 冇問題呀🤗 飯飯說：「 嗌我啦 嗌我啦 我冇問題㗎！」（sor... 係咪太爛？🤣）
食食吓，先記得未食個伴碟沙律😃 我同愛人驚喜地叫了出來！估佢唔到！連個沙律都好食！🥗❤️平時呢啲伴碟嘅，有人會留返喺碟上，唔食的。我同愛人係菜人，好鍾意食沙律㗎！咁當然對沙律會有少少要求㗎啦。所以我哋真係估佢唔到！佢嗰個汁好味到呢😍想嗌多個沙律嚟食😍 唔知點解會咁驚喜😍真係好開心❤️ 希望餐廳可以喺{奧斯晚餐時段}嗰個餐牌嘅［加配小食］位，加埋菜菜沙律落去🙏🏻🥗❤️ 太好食了😋 仲有想讚，佢係冇一條菜噏到淋咗霉咗變咗一pat㗎！好多時，啲餐廳見伴碟，呢個位會冇留意到。但Ocio呢個沙律菜食落係新鮮爽脆，仲要好好味😋真係好喇💚
咖啡超級大杯 對得住個價錢 仲要唔太甜又好飲 咖啡師仲拉咗個好靚嘅花🥰 單叫$48 跟餐補$12就得喇 第日如果嚟坐吓，叫杯咖啡，真係一個唔錯嘅選擇☺️
終於可以講甜品喇😊 唔知佢嘅 哈密瓜甜品係咪期間限定嘅呢？ 我本身就唔係十分愛吃哈密瓜 但食之前都會睇ig有冇人介紹邊個甜品好食。好多人都叫哈密瓜， 我哋都叫試下。
個哈密瓜好甜！好好食好好食💚 窩夫一樣 外脆內軟。 佢有得加多十蚊要一球雪糕 雪糕有兩個未揀 雲呢拿同朱古力 我就好想可以加十蚊 要多三嚿cream 我係cream控嚟㗎 哈哈哈🤣
想個窩夫 舖滿cream咁樣食😋😋😋
我仲有嘢補充。
我咪話唔知揀邊個晚餐好嘅，因為個個都好似好好食😆 結果我一路食，就望到隔離枱上菜😝隔離枱嗰位小姐嗌咗 3號餐-牛油焗石斑柳配新薯忌廉磨菇汁。😱天呀，塊魚大到成1.5隻手掌咁大(我隻手掌都好大㗎) 大到我偷偷雞影低咗🤣
個樣出到嚟仲要唔差呀。我好想嗌埋嚟食。
再再跟住仲嚇人，我同閨蜜都嚇親，遠處有人叫咗牛，佢厚到，厚過厚嘅西多士都未夠，仲要係兩塊，你話係咪嚇親？！我下次嚟要試埋呢個😍 仲有好多枱客人都有叫嘅pancake🥞😋
張貼
