扒王之王

營業中

休息中

見到有呢個美國珍寶牛柳同埋另外一款肉眼扒，咁就問侍應有咩分別啦？佢嘅答案係唔同部位囉。多謝晒我梗係知唔同個位啦。咁我就揀咗美國珍寶牛柳。之後佢問幾成熟，我就話三成啦，佢話多筋三成會韌。好啦咁叫5成啦唯有。之後見到有薯蓉焗田螺諗住試埋啦。咁啲食物究竟係咩質素呢？首先嗰個湯，淡淡地咁冇乜特別。等咗好耐終於有個薯蓉焗田螺出嚟啦，點知啲田螺好鹹啲薯蓉焗到死晒硬掘掘。啲薯蓉仲有啲腥味添。主菜牛扒嚟啦，咁個汁要自己倒落去。我就好期待到落去嘅渣渣聲。點知倒落去一啲聲都冇，塊板唔熱。塊牛扒有牛味嘅。