火五越式牛肉粉專門店 (其昌樓)

營業中

休息中

上星期五約咗舊同事聚舊。佢想食越南菜，於是揀咗位於佐敦嘅火五越式牛肉粉專門店。地點非常之方便，出港鐵步行約5分鐘內到達。我哋點咗火五火車頭牛肉粉、炸軟殼蟹撈檬、蠔油唐生菜、香茅雞翼、凍咸檸梳打和凍越南椰汁冰。火五火車頭牛肉粉有生牛肉、熟牛肉、和牛牛丸和扎肉。無論生定熟嘅牛肉味道也新鮮可口。至於和牛牛丸，更滿滿嘅油脂，滿滿嘅和牛感。再加埋扎肉真係好豐富，滿滿嘅滿足。湯底喝出越南粉嘅清甜味道，牛肉粉嘅份量更是非常多。炸軟殼蟹撈檬有脆脆嘅炸軟殼蟹配以酸酸甜甜嘅檬粉，增加胃口，最啱夏天食。食越南菜點可以唔食香茅食物~香茅雞翼帶有新鮮嘅香茅味，肉質鮮嫩。凍咸檸梳打清甜嘅梳打中間夾雜咸檸肉粒，非常解喝~凍越南椰汁冰鮮甜嘅椰汁配上爽口嘅椰肉，都係夏日冰涼解暑之選。小小嘅越南店彷似去了一躺越南之行，而且非常之抵吃。我同朋友都食得很飽很飽，捧著大肚腩回家。