Crepe Delicious (Urban Cafe) (南豐大廈)

營業中

休息中

老婆話上環呢間分店新出左個90分鐘任食任飲嘅set好抵。黎到首先叫1 round 任食頭盤，已覺得超值，有蒜蓉焗青口、吉列炸蝦、凱撒沙律配煙三文魚、粟米片配牛油果及墨西哥辣椒醬、蜜糖同水牛城雞冀、炸洋蔥圈、黑松露薯條。樣樣starter味道同平時單叫無分別，好食嘅仲可以無限encore，沙律同青口夠鮮、雞翼同炸洋蔥圈好香口，叫多round回本度up。主菜可以揀肉眼扒就真係抵嘅，呢度仲要燒得幾香同keep到鮮嫩juicy，薯蓉又香滑。平時單叫個安格斯肉眼扒配薯蓉都幾貴。另外一個香煎鱸魚配薯蓉都係好唔錯，皮香脆個汁都好夾。最後，飲品同Gelato都係任食，食得夠快可以食多幾款。個冰紅茶同Gelato幾好飲。