影片
更多
2021-12-07
347 瀏覽
上完一個學期嘅堂，為咗獎勵自己所以用咗一日嚟諗食乜好最後因為openrice顯示呢間嘢有放題優惠+自己未食過石燒肉，所以就咁決定（最後發現walk-in個價其實差唔多…）等夠鐘，入座，即刻去拎白飯、泡菜牛肉湯同汁。雖然得60分鐘，不過正如《孤獨的美食家》所言：「食自助餐一定唔可以急，急就會亂咗陣腳。」所以無拎沙律，打算全力攻肉由於無用心聽講解嘅緣故，只係依稀知道會有個頭盤，於是起等候期間，我用QR code係咁落order（操作上有啲浪費時間，令人好心急），然後生肉嚟嘅時候，我發現個頭盤成個二人份咁接住落嚟，之前order嘅嘢都到咗等咗十五分鐘，舊神石先到，真係好似等摩西上山同神攞兩舊石落嚟一樣咁耐，於是問侍應可唔可以加多十五分鐘，佢話幫我問我下（最後係得嘅），然後我就一路望錶一路食，享受鍾意高雅慢食嘅人享受唔倒嘅快感~作為一個可以食得曬銀咖喱富士山飯嘅人，清曬上面啲嘢完全唔係問題，問題係舊石有無本事快得過我把口，好抱歉，係無。如果係打邊爐，我諗三四個字都搞得掂，可惜舊石一則surface太細，二則傳熱太慢，完全違反放題食客嘅人體工學不過無論如何，不斷睇住啲肉由血紅煎成粉紅，乃至微金黃
最後因為openrice顯示呢間嘢有放題優惠+自己未食過石燒肉，所以就咁決定（最後發現walk-in個價其實差唔多…）
等夠鐘，入座，即刻去拎白飯、泡菜牛肉湯同汁。雖然得60分鐘，不過正如《孤獨的美食家》所言：「食自助餐一定唔可以急，急就會亂咗陣腳。」所以無拎沙律，打算全力攻肉
由於無用心聽講解嘅緣故，只係依稀知道會有個頭盤，於是起等候期間，我用QR code係咁落order（操作上有啲浪費時間，令人好心急），然後生肉嚟嘅時候，我發現個頭盤成個二人份咁
129 瀏覽
0 讚好
0 留言
接住落嚟，之前order嘅嘢都到咗
98 瀏覽
0 讚好
0 留言
等咗十五分鐘，舊神石先到，真係好似等摩西上山同神攞兩舊石落嚟一樣咁耐，於是問侍應可唔可以加多十五分鐘，佢話幫我問我下（最後係得嘅），然後我就一路望錶一路食，享受鍾意高雅慢食嘅人享受唔倒嘅快感~
作為一個可以食得曬銀咖喱富士山飯嘅人，清曬上面啲嘢完全唔係問題，問題係舊石有無本事快得過我把口，好抱歉，係無。如果係打邊爐，我諗三四個字都搞得掂，可惜舊石一則surface太細，二則傳熱太慢，完全違反放題食客嘅人體工學
不過無論如何，不斷睇住啲肉由血紅煎成粉紅，乃至微金黃，邊散出輕煙，爆發滋裂聲同肉香，都係賞心而治癒嘅
第一輪先食咗附送嘅50克A5牛，感覺好食之中有種「都係咁」嘅感覺
68 瀏覽
1 讚好
0 留言
之後因為時間關係，只能密鋪平面，結合過去嘅數學同科學知識，用最少時間燒最多肉，所以亦都無時間拍照
一路食，其實都覺得係唔錯嘅，尤其牛脷切得夠薄、有咬口，最平嘅雞肉反而最鮮美、最得我心，至於牛膈肌徒有罕見部位之名，實質只係普通牛肉，且因為厚身而韌口，比較浪費時間燒同食，幸好佢唔係唔可以生食嘅豬肉，如果唔係會keep住有得睇仲未有得食
我想補充一下豬肉嘅問題，大家見倒上面嘅吉列排應該都會覺得可以即食，係回本貨色，之但係，其實係生嘅，脆漿包裹嘅肉係室溫嘅，以致我只敢稍為煎下吉列牛嚟食。又或者，可能只係我孤陋寡聞，臨走前我同侍應講啲豬太生，食唔到，佢話：「係咁㗎喎，呢度乜都要自己煎。」我先思考到呢舊有脆皮嘅生豬肉可能係特登雪凍先嚟炸，等裡面生勾勾，可以比人燒，不過個人覺得吉列嘢都要煎就真係太無謂喇……
最後，起緊張氛圍之下，終於起限時之內燒同食曬三兜嘢，係大滿足嘅，不過遺憾嘅係，塊吉列豬排因為時間關係只能以生勾勾為理由原封不動，在此僅向天下間所有必需要煮熟先唔會生蟲嘅豬肉致歉！
張貼
