影片
更多
2024-10-23
2348 瀏覽
-蟹膳 🦀時隔一年 終於今年既秋季再訪蟹膳聽講佢地係每個月都會轉一次前菜 保持新鮮感今個月就有以海膽 x 鱈場蟹/松葉蟹x 毛蟹為主題🦀海幸 Kaikou - 九品($1780/pp)= 海膽 · 鱈場蟹半隻 · 毛蟹✨前菜4款鮮甜既白梅貝 配 強烈獨特香氣既紫蘇青瓜卷 配 鹹鹹甜甜既芋頭 再配勁香濃好味既蟹肉蟹膏豆腐🌟🦀海膽鱈場蟹腳刺身伴有白鱘魚魚子一齊食 整個海洋風味一次過係口腔爆發第一次食鱈場蟹刺身整到一絲絲咁 食落非常鮮美 好彈牙加埋鮮甜海膽 少少柚子皮提香 建議加少少柚子豉油食🥚海膽茶碗蒸加入左高湯既蒸蛋伴有蟹肉海膽同大量醬油漬三文魚籽 蒸蛋既嫩滑同三文魚籽既鮮脆 簡單美味 口感層次豐富🦀燒海膽鱈場蟹蟹腳就算配埋海膽醬同蟹醋都唔怕蓋過蟹肉既鮮甜味擺碟上面仲有唐辛子 食落微辣 亦令海膽醬減膩 留番鮮味呢個好味到我地3個人食到啜啜聲 冇講過野😆🦀海膽毛蟹肉伴蛋黃天婦羅底下用上毛蟹肉同土佐醋啫喱做伴碟 酸度很剛好 幾開胃蛋黃天婦羅建議一口食 入口酥脆 可以點少少天婦羅汁不過因為上面已經有海膽同魚子醬 夠晒鮮味 唔點亦可🦀鱈場蟹及毛蟹火鍋湯底係用上昆布鰹魚 去食蟹肉既原汁原味 細味蟹
蟹膳 🦀
時隔一年 終於今年既秋季再訪蟹膳
聽講佢地係每個月都會轉一次前菜 保持新鮮感
今個月就有以海膽 x 鱈場蟹/松葉蟹x 毛蟹為主題
🦀海幸 Kaikou - 九品($1780/pp)
= 海膽 · 鱈場蟹半隻 · 毛蟹
✨前菜4款
鮮甜既白梅貝 配 強烈獨特香氣既紫蘇青瓜卷
配 鹹鹹甜甜既芋頭 再配勁香濃好味既蟹肉蟹膏豆腐🌟
🦀海膽鱈場蟹腳刺身
伴有白鱘魚魚子一齊食 整個海洋風味一次過係口腔爆發
第一次食鱈場蟹刺身整到一絲絲咁 食落非常鮮美 好彈牙
加埋鮮甜海膽 少少柚子皮提香 建議加少少柚子豉油食
🥚海膽茶碗蒸
加入左高湯既蒸蛋伴有蟹肉海膽同大量醬油漬三文魚籽
蒸蛋既嫩滑同三文魚籽既鮮脆 簡單美味 口感層次豐富
🦀燒海膽鱈場蟹蟹腳
就算配埋海膽醬同蟹醋都唔怕蓋過蟹肉既鮮甜味
擺碟上面仲有唐辛子 食落微辣 亦令海膽醬減膩 留番鮮味
呢個好味到我地3個人食到啜啜聲 冇講過野😆
🦀海膽毛蟹肉伴蛋黃天婦羅
底下用上毛蟹肉同土佐醋啫喱做伴碟 酸度很剛好 幾開胃
蛋黃天婦羅建議一口食 入口酥脆 可以點少少天婦羅汁
不過因為上面已經有海膽同魚子醬 夠晒鮮味 唔點亦可
🦀鱈場蟹及毛蟹火鍋
湯底係用上昆布鰹魚 去食蟹肉既原汁原味 細味蟹既清甜
鱈場蟹肉質結實飽滿；毛蟹體型較小但肉質細膩；
簡樸精緻 而佢地既蟹膏就會留係煮粥既時候先用到
🥬雜菜盤火鍋
就連蔬菜都吸收到湯底鮮味 直接仲飲埋湯
🦀海膽雜燴粥
用番昆布湯底直接加入以特別香濃鮮甜蟹膏聞名既毛蟹
同鱈場蟹蟹黃 再加入雞蛋 + 海膽同薑絲煮成粥
食落風味濃郁 芳香四溢 口感濃稠綿密得黎好甘甜
真係當晚既高潮🌟🌟🌟🌟🌟
甜品 （二選一）
🍰 自家製紅豆抹茶蛋糕 - 意外地幾好味 抹茶味香濃
☕️ 薑茶 - 食完蟹當然要飲番杯薑茶去一去寒氣～
完美地結束豐富美味既海膽蟹肉盛宴🥰🤌🏻
張貼
