南瀛水產

【尖沙咀】南瀛水產無論食物、環境、氣氛都好似去左日本咁嘅日式居酒屋。齋睇裝修以為專門食爐端燒，之不過菜單上嘅料理款式可算係五花八門。星期五嘅夜晚，爆曬場啊，walk-in 喺門口等咗大概20分鐘，食晚市建議提早訂枱。店內嘅裝修會令人感覺好似去咗日本水產市場，每一個角落都有用心設計過👍🏻每張枱上面都有一個爐，嗌咗燒水產的話會有專人喺你前面為你燒。不過今日係想食凍野嘅心情，下次再嚟就試埋爐端燒啦！雲丹蟹肉卷 $228估唔到海膽份量都幾多，海膽甜、creamy，無腥味，上面仲加咗松露。蟹肉嘅份量亦都唔少，配埋青瓜絲，一啖食落去口感好豐富，好幸福啊。深海池魚 $238/客肉質有彈性，好新鮮，薄切用嚟送酒一流。土佐豆腐 $68外脆內嫩，炸得恰好，配埋木魚汁，令人食過返尋味，必食！