樓下冰室

營業中

休息中

樓下冰室最出名既係蕃茄濃湯通粉同招牌瑞士雞脾，所以就點左依個，原來係有set一次過試晒兩樣架，點左特色蕃茄濃湯通粉配牛乳炒蛋再配瑞士雞脾($55)，算幾抵食！首先個蕃茄濃湯通粉都算真材實料，店鋪係用上新鮮蕃茄、豬骨、雞骨去熬十小時，唔怪之出黎唔係好水個重，都稠稠地有蕃茄粒，酸酸甜甜好開胃！提提個滑蛋都幾好食，因為用牛乳炒👍🏻而瑞士雞脾烹煮時間控制得唔錯，雞脾肉煮得幾嫩滑，而且都真係好入味，瑞士汁好香，配酸酸甜甜既通粉可以中和返個飽膩感🙌🏻另外點左個健康系列 蠔仔泡飯依個清清地食落無咁滯，都幾多蠔同埋都新鮮，裡面有冬菇冬菜提升鮮味，都不錯！再黎係茶記必食既奶醬多，超邪惡吸引啊依個🤤🤤滿瀉既粗粒花生醬同鏈奶，加上烘到脆脆既多士，真係無得輸！小食芝士肉醬配薯角都高質🥰芝士肉醬份量好多，鋪晒係面再焗，好似芝士肉醬意粉咁，不過轉左炸薯角做底原來都咁夾😛好香口～飲品點左凍華田脆脆華田脆脆真係唔錯，面頭既華田脆好好食又唔會太甜！