OVO CAFE

營業中

休息中

今日同朋友去到銅鑼灣附近食個high tea：朋友話突然之間想去一啲有樹木或者森林感覺嘅餐廳、我諗咗好耐終於記得起朋友有介紹過一間！呢間餐廳喺銅鑼灣同灣仔之間近灣仔道1號、朋友話呢間餐廳除咗嘢食好特別之外，風景都非常之靚！四周圍嘅環境都有好多唔同種類嘅植物、充滿着仙氣同埋清新嘅風格！今次主要同朋友食個hightea所以嘢食唔會叫得好多！今次叫咗個竹炭Impossible meat漢堡嘅肉醬薯條！呢個竹炭感覺真係好正！漢堡咬落去層次感突出！而竹炭顏色影相打卡更加一流！肉醬薯條好香濃！個名好得意都係有Impossible芝士喺入面！之後再叫咗個Wasabi嘅煙三文魚沙律配上油醋汁、食落去少少酸大甜好開胃好好食！Wasabi唔算好辣，配上煙三文魚食落更加出眾！沙律亦充滿營養！甜品方面，今次叫咗個朱古力榛子酥餅（蛋奶）、朱古力味絕對香濃，配埋榛子夾入去酥餅香脆層次感非常突出！再叫咗個笨朱古力牛角窩夫配雪糕球、朱古力香甜配上牛角窩夫香脆可口！雪糕球配上簡直係絕佳拍檔！ovo cafe灣仔灣仔道1號地下