四寶食堂

營業中

休息中

午餐：原條龍脷柳配西炒飯，拎上檯係兩條細龍脷柳都係冷既，同著有領恤衫既哥仔講，佢話換食其他野，咁我想食炸龍脷就費事煩改其他野。西炒飯係暖既，味道OK，但龍脷柳就好唔得啦。之前見其他顧客係一條大龍脷，賣性好好多，熱唔熱就唔知啦。但以往呢間野既出品係新鮮整既，煎豬扒係好熱唔上，今次唔知點解失手，個伙記又唔太在意我的反映，咁就算啦。希望今次係個別事件，如果真係就咁差左，就非常可惜啦！咸牛肉炒蛋熱狗：味道OK，咸牛肉唔係好多，不過下面藏有腸仔，份量足夠，不過都唔係好熱。伴碟既粗身炸薯條就熱辣辣，非常好食。凍奶茶：少冰少甜，叫過好多次，少甜的凍飲同一般茶記的正常甜相若，大家要留意。就今次體驗，無可避免要差評唔好食都要清碟，唔浪費