影片
更多
2009-07-25
11 瀏覽
California Pizza Kitchen 一向都係食PIZZA高水準嘅保證, 尖咀呢間一向都有食開, 相比起旺角家樂嗰間, 食物同環境都要好; 不過今次大失所望。去到等位已經係晚上8點, 佢話要等25張2人檯, 等左大約40分鐘就有位, 而且係靠近玻璃窗位置! 點了「 墨西哥栗米湯」($28/CUP), 一人份量, 味道超濃PEPPER 味。係蕃茄底嘅栗米湯。「羅賓式黑椒醃燻牛肉薄餅」($82/薄批), 夠多CHEESE, 不過今次PIZZA落咗太多ROSEMARY, 味道偏苦, 而且千島醬亦過多, 全都偏向PIZZA嘅某一面, 令PIZZA變到邊大邊細。仲點左「新奧爾良香辣海鮮意粉」($112), 就係呢個意粉...我地飲完湯, 等左10分鐘之後, PIZZA上埋。之後再食完PIZZA, 再呆等一輪之後, 都仲未上...時間都足足40分鐘; 於是我地就追問WAITER係咪無落單, 如果無落單我地就唔要喇, 因為趕住睇戲。點知個WAITER點左吓頭CHECK完機之後就行左去。又唔話我地知咩事。我地再呆等5分鐘之後, 聽到D WAITER互鬧, 話對話唔跟單; 於是我地再問到底個
California Pizza Kitchen 一向都係食PIZZA高水準嘅保證, 尖咀呢間一向都有食開, 相比起旺角家樂嗰間, 食物同環境都要好; 不過今次大失所望。
去到等位已經係晚上8點, 佢話要等25張2人檯, 等左大約40分鐘就有位, 而且係靠近玻璃窗位置!
點了「 墨西哥栗米湯」($28/CUP), 一人份量, 味道超濃PEPPER 味。係蕃茄底嘅栗米湯。
「羅賓式黑椒醃燻牛肉薄餅」($82/薄批), 夠多CHEESE, 不過今次PIZZA落咗太多ROSEMARY, 味道偏苦, 而且千島醬亦過多, 全都偏向PIZZA嘅某一面, 令PIZZA變到邊大邊細。
仲點左「新奧爾良香辣海鮮意粉」($112), 就係呢個意粉...我地飲完湯, 等左10分鐘之後, PIZZA上埋。之後再食完PIZZA, 再呆等一輪之後, 都仲未上...時間都足足40分鐘; 於是我地就追問WAITER係咪無落單, 如果無落單我地就唔要喇, 因為趕住睇戲。點知個WAITER點左吓頭CHECK完機之後就行左去。又唔話我地知咩事。
我地再呆等5分鐘之後, 聽到D WAITER互鬧, 話對話唔跟單; 於是我地再問到底個意粉咩事, 做唔切就算啦。佢地就話即刻有。
我地再呆等足足20分鐘之後, 佢地先拎左一碟好似「濕炒牛河(仲要係兜亂)」嘅意粉O黎...烏卒卒, 我地已經分唔到係蝦, 係雞定係肉...? 我真係唔知..因為碟O野油到食左幾啖就唔想食。
最後我地只係食左幾啖就放棄....因為我地已經前前後後呆坐左半個鐘, 咩胃口都無。最好笑係班WAITER最頭到尾都無答過我地係無落單, 定係走單, 定係點...因為我早就講左無落單就唔要, 因為趕時間。結果每次我想叫人O黎問, 佢地就走開哂; 碟O野O黎度仲要係呢個樣...加埋一, 碟意粉就足足收成$125, 實在係...
最後要$250埋單, 一肚火, 一咀油仲要雞咁腳跑去戲院...全程仲要不停嗝番D油味出O黎...真係....
張貼
