營豐海南雞專門店 (柴灣道)

營業中

休息中

本身自己都住喺柴灣附近 嗰日經過見到有間新開嘅海南雞飯 門口掛住嘅雞好似好新鮮 賣相又幾好咁 所以今日收工 屋企又冇煮飯 就一於試吓呢間先！😏呢間餐廳喺柴灣體育館附近 都易搵！呢到除左海南雞飯外 都仲有其他飯類架！另外仲有其他小食都好吸引！🙈之後我就當然叫一個海南雞飯但係慢慢食啦！☺️呢間海南雞飯嘅外賣都擺得幾靚-招牌無骨海南雞飯🐔-海南雞飯除咗個雞要鮮嫩之外 個飯都好重要！而呢間餐廳就真係用咗黃姜飯加少少雞油煮所以令到個飯增添左雞油嘅香👍🏻另外個雞都煮得好入味之餘 雞肉仲好鮮嫩！咬落去啖啖肉又唔使拆骨 好方便 啱晒我呢啲懶人😂個套餐仲有例湯餸添阿！例湯落咗唔少材料煲而且唔會太過重味 幾舒服☺️整體來講呢間海南雞飯又近又方便又新鮮 而且價錢又唔貴 下次收工冇飯食都可以去再買！👍🏻👍🏻