影片
更多
2022-07-10
287 瀏覽
尋日同朋友慶生，揀咗跑馬地一間中菜餐廳，非常之咁驚喜！忍唔住要寫人生第一篇食評😛我哋book枱時同餐廳職員夾menu，勁有禮貌，又介紹咗啲餐牌上無嘅dishes俾我哋，講解得好細心，要大讚👍🏻最後我哋由頭盤到甜品揀咗9樣！當中有幾樣真係令我回味無窮，一定要再去食返🤤第1樣焗釀蟹蓋，外表同出面食嘅蟹蓋相近，但一打開我嘩咗一聲😱 我未食過咁足料嘅釀蟹蓋！勁多蟹肉！食落鮮咪到癲，一問之下原來廚師為咗減輕油膩感，以麵豉提味，完全無諗過麵豉同蟹係咁夾，超級鮮甜，好好味！第2樣食到嘩嘩聲嘅係玻璃蝦球配蓮子泡、蝦油，呢道菜手工原來非常考功夫，廚師將蝦衣剝去，令蝦肉更晶瑩剔透，更加爽口。食材超新鮮，蝦肉鮮甜爽口，配上香滑蓮子泡同好香嘅蝦油，OMG! 好味到停唔到口😂第3樣好深刻嘅係炸雞皮糯米雞，聽個名都知手工菜，個炸雞皮脆卜卜，包住軟糯嘅糯米飯，兩種極端口感配香濃冬菇汁，好食到痴線，講講吓已經想再去食😅最後一樣超驚喜菜式， 醬炒和牛陳村粉，個醬勁惹味，和牛勁嫩滑，個陳村炒煙韌有咬口，呀～～～～真係好好味呀🤤其實其他嘢都好好食，前菜開胃醒神，煙燻豉油雞又香又嫩滑，腌篤鮮配蛋角個湯勁鮮味，只係以上呢4款菜
忍唔住要寫人生第一篇食評😛
我哋book枱時同餐廳職員夾menu，勁有禮貌，又介紹咗啲餐牌上無嘅dishes俾我哋，講解得好細心，要大讚👍🏻
最後我哋由頭盤到甜品揀咗9樣！當中有幾樣真係令我回味無窮，一定要再去食返🤤
第1樣焗釀蟹蓋，外表同出面食嘅蟹蓋相近，但一打開我嘩咗一聲😱 我未食過咁足料嘅釀蟹蓋！勁多蟹肉！食落鮮咪到癲，一問之下原來廚師為咗減輕油膩感，以麵豉提味，完全無諗過麵豉同蟹係咁夾，超級鮮甜，好好味！
第2樣食到嘩嘩聲嘅係玻璃蝦球配蓮子泡、蝦油，呢道菜手工原來非常考功夫，廚師將蝦衣剝去，令蝦肉更晶瑩剔透，更加爽口。食材超新鮮，蝦肉鮮甜爽口，配上香滑蓮子泡同好香嘅蝦油，OMG! 好味到停唔到口😂
第3樣好深刻嘅係炸雞皮糯米雞，聽個名都知手工菜，個炸雞皮脆卜卜，包住軟糯嘅糯米飯，兩種極端口感配香濃冬菇汁，好食到痴線，講講吓已經想再去食😅
最後一樣超驚喜菜式， 醬炒和牛陳村粉，個醬勁惹味，和牛勁嫩滑，個陳村炒煙韌有咬口，呀～～～～真係好好味呀🤤
其實其他嘢都好好食，前菜開胃醒神，煙燻豉油雞又香又嫩滑，腌篤鮮配蛋角個湯勁鮮味，只係以上呢4款菜式真係超出色，想特別推介俾大家，必吃！必吃！必吃！(重要的話要講3次🤣)
我未講完，係中餐廳叫甜品一般都無咩驚喜，呢度又再次驚喜我，訂枱嘅時候職員話我哋可以喺餐廳訂生日蛋糕，本着懶同埋試一試囉嘅心態，訂咗個拿破崙水蜜桃吉士蛋糕，痴線，真心好食過5星酒店，個酥皮超脆，水蜜桃超甜，吉士勁香蛋味又唔會太甜，食完個蛋糕知道佢哋個甜品廚好勁，除咗原本訂左嘅疏乎厘，仲追加咗焦糖布甸，樣樣都超好食！大家記得留肚食甜品，我哋餓到行唔旭😂😂😂😂
今次分享係咁多，下次要再去試下其他新野再同大家分享🤪
5 瀏覽
0 讚好
0 留言
焗釀蟹蓋
11 瀏覽
0 讚好
0 留言
玻璃蝦球配蓮子泡、蝦油
14 瀏覽
0 讚好
0 留言
炸雞皮糯米雞
5 瀏覽
0 讚好
0 留言
自家製疏乎厘
10 瀏覽
0 讚好
0 留言
腌篤鮮配蛋角
8 瀏覽
0 讚好
0 留言
蔥油餅
5 瀏覽
0 讚好
0 留言
張貼
