影片
2025-01-28
737 瀏覽
呢間雞煲喺屯門好出名，聽過好多YouTuber同食評家介紹，今晚同屋企人食團年飯，一齊嚟元朗店試吓。想食嘅朋友，記得一定要訂枱，因為餐廳座位不多，實在太full，如果Walk in嘅話，通常都冇位。我哋經WhatsApp(☎️電話：98566034)早一個星期預約，hold 枱15分鐘，🍽️用餐時間兩小時，食緊嘅時候，未夠鐘嘅話，店員都唔會催我哋交枱。喺用餐時段，都不停聽到有人打電話嚟預約，可見這間雞煲係非常受歡迎。我哋6個人，叫咗一個招牌魔鬼雞煲🐓（1隻）BB辣👶🏻🌶️（$288），加1份豬皮（$48）落去炒。🌶️辣度可以揀：唔辣嘅原味 /BB辣 / 小辣 / 中辣 / 大辣/變態辣。如果怕食雞煲整污糟件衫，可以問店員攞一次性圍裙～醬芥（$14/位）有蔥粒、芫荽碎、炸蒜、生蒜🧄、XO醬、辣椒🌶️雞煲：🐓雞係使用走地麻雞，質地結實嫩滑，雞件本身已經炸過嘅感覺，但不乾身。雞煲有好多香料，食到有檸檬葉同香茅，醬汁味道偏甜，有甜醬的味道，唔係傳統嘅麻辣醬汁，BB辣啱晒食得少少辣嘅朋友，雞煲入面配菜有豆角、洋蔥🧅、芫荽、薑🫚、雲耳。（可能係香料嘅關係，雞煲一度，幾位有鼻敏感嘅朋友，會狂打乞嗤）店員會分3
實在太full，如果Walk in嘅話，通常都冇位。我哋經WhatsApp(☎️電話：98566034)早一個星期預約，hold 枱15分鐘，🍽️用餐時間兩小時，食緊嘅時候，未夠鐘嘅話，店員都唔會催我哋交枱。喺用餐時段，都不停聽到有人打電話嚟預約，可見這間雞煲係非常受歡迎。
我哋6個人，叫咗一個招牌魔鬼雞煲🐓（1隻）BB辣👶🏻🌶️（$288），加1份豬皮（$48）落去炒。🌶️辣度可以揀：唔辣嘅原味 /BB辣 / 小辣 / 中辣 / 大辣/變態辣。
如果怕食雞煲整污糟件衫，可以問店員攞一次性圍裙～
醬芥（$14/位）
有蔥粒、芫荽碎、炸蒜、生蒜🧄、XO醬、辣椒🌶️
醬芥
$14
84 瀏覽
0 讚好
0 留言
雞煲：🐓雞係使用走地麻雞，質地結實嫩滑，雞件本身已經炸過嘅感覺，但不乾身。雞煲有好多香料，食到有檸檬葉同香茅，醬汁味道偏甜，有甜醬的味道，唔係傳統嘅麻辣醬汁，BB辣啱晒食得少少辣嘅朋友，雞煲入面配菜有豆角、洋蔥🧅、芫荽、薑🫚、雲耳。（可能係香料嘅關係，雞煲一度，幾位有鼻敏感嘅朋友，會狂打乞嗤）
店員會分3次幫我哋炒下個雞煲，食完雞煲之後會加雞湯打邊爐，加咗雞湯，更加好食，湯底濃郁。店員不時會幫我哋筆走湯入面嘅油分，食完嘅碟，都會主動即刻收起，服務好好～
招牌魔鬼雞煲一隻
$288
96 瀏覽
0 讚好
0 留言
另外點了：
響鈴（$42/6件）：一般，唔夠香脆
手工韭菜餃🥟（$42/6粒）：韭菜新鮮，成隻餃子得韭菜，唔覺有豬肉，但都好好食
九叔餃🌽🥟（$42/6粒）：係粟米豬肉餃，粟米粒粒飽滿
台式香菇貢丸（$48/6粒）
堅胡椒豬肚丸（$68/一份8粒）：10分彈牙，如果胡椒味再濃郁啲，會更加完美
黑毛豬肉片🐖 （$88）
安格斯牛小排🐂（$168/例牌）
安格斯封門柳🐂（$138/例牌）
田園雜菜籃 🥬（$68）：有3款菜（生菜、娃娃菜、油麥菜），如果可以多埋粟米或者菇類，就會更加多元化
黃沙豬潤 （$62）：豬膶新鮮，有薑粒醃製過，有誠意，份量都多
水魷🦑（$52）：爽滑彈牙，非常入味
消費滿$1200，作為社交平台打卡，餐廳會贈送一份安格斯封門柳（喺book枱嘅時候，可以問店員仲有冇呢個優惠）
黃沙豬潤
$62
0 瀏覽
0 讚好
0 留言
左：黑毛豬肉片+右：安格斯封門柳（例牌）
42 瀏覽
0 讚好
0 留言
即叫即炸脆響鈴
$62
29 瀏覽
0 讚好
0 留言
豬皮
51 瀏覽
0 讚好
0 留言
餐廳另一個特色就係，有好大杯嘅珍寶凍🍋檸檬茶（$38）/檸水或檸樂，超級適合打邊爐，咁大杯一定飲得晒，但☕️紅茶底唔夠濃，如果濃啲會好飲好多～ 少冰、走冰、少甜、走甜，都可以按個人喜好選擇。
餐廳需要加一服務，店員服務都好好，食物材料新鮮，雖然店舖唔大，但坐得舒服，冷氣好充足，唔會覺得好熱好侷促。雞煲味道OK，但我個人喜歡傳統麻辣雞煲多啲，呢間雞煲味道偏甜，唔夠惹味香口，適合喜歡易入口，唔太刺激嘅雞煲口味，可以試試呢間～ 但整體嚟講，味道同質素都唔錯
6個人，埋單$1571，每人$260左右
查看之前的留言 ()
張貼
