ASOK THAI GARDEN

營業中

休息中

尖沙咀亞士厘道餐廳林立，而呢間泰式餐廳長期都勁多人排隊，要食就真係要book定枱啦！ 柚子紅石榴沙律柚子肉同石柚都好鮮甜juicy，配沙律菜感覺清新。加上車厘茄同腰果口感豐富。 蒜香肉鬆炸魷魚圈肉鬆配魷魚圈都幾特別，肉鬆份量多，甜味突出，炸魷魚圈酥脆爽口。 豬肉生菜包肉碎經過醃製調味，味道有少少鹹，加上紅蔥頭同炸蒜味道更重，生菜就可以中和返少少。 蛋炒咖喱軟殼蟹（配印度煎餅）好香蛋味，軟殼蟹炸得唔錯，仲有大量蟹肉，好鮮味。用印度煎餅點咖哩，加埋少少蟹肉，正。 芒果糯米飯甜筒非常打卡able！芒果糯米飯配冰凍嘅椰子雪糕好爽，唔會太甜，食埋呢個甜品就perfect池啦。