Mango Mania

營業中

休息中

呢一間mango mania不嬲都係肥雞好想去朝聖嘅一間泰式甜品餐廳，父親節嗰日肥雞終於有機會一嚐究竟。咁肥雞嗰日呢就嗌咗兩個甜品一個就係熱情冰磚，熱情冰磚上面除咗有主打主角芒果之外，仲有酸甜嘅菠蘿，清爽嘅椰子肉，最靈都肥雞覺得意外嘅係佢嘅冰竟然係溝咗奶，所以每掘一口冰嘅時候除咗食到清涼嘅感覺仲有珍珍奶香嘅味道湧入口腔，當然佢所有嘅生果都非常之新鮮食得出唔係罐頭貨。再配埋佢嘅煉奶同埋芒果汁，依家肥雞諗起都好想食。第二個甜品就係芒果糯米飯，黎泰國餐廳食芒果糯米飯是常識吧 。 佢嘅糯米蒸得香甜入口軟淋，配埋粒粒香甜芒果同埋濃厚嘅椰奶，呢一餐甜品又係冇得輸。