Ann Mamma Thai kitchen by 張秀玲

營業中

休息中

今晚喺荃灣大會堂欣賞管弦樂表演，朋友介紹食餐泰國菜，位於曹公坊嘅《張秀玲》遠近馳名。大蝦炒金邊粉~上菜時已經聞到好香，金邊粉炒得好靚，一點兒都唔覺油膩，辣中帶少少甜，碟邊放上辣椒粉，好辣嘅朋友可以加辣，十分惹味。青咖喱牛腩~豐富配菜，紅蘿蔔、南瓜、豆角、泰式茄子等，青咖哩味道調教得非常理想，牛腩炆得夠淋，keep 牛肉味。焗蒜蓉法包~喺薄餅同蒜蓉包之間我哋揀咗後者，件件法包搽滿蒜蓉香草牛油，焗得香口，索滿咖喱汁更可口。椰子開心果沙冰~賣相勁開心，沙冰充滿椰子味，整體唔會太甜，食泰國菜真係好啱key，尤其是呢排天氣好熱，非常解暑。