黑龍 (已結業)

聽聞黑龍系沖繩過江龍，黎到香港開左兩間分店，好好彩其中一間好近屋企，大大話話都去過4-5次，最喜歡都係佢既沾麵。幾款當中櫻花蝦系我既最愛；湯夠濃，但一d都唔“傑”，沾麵汁蝦味甚濃帶點酸好開胃，重有兩片豚肉，一d都唔單調，麵既分量可以選擇大或者小，女士黎講小已經好飽啦。配菜種有荀，木耳，溫泉蛋煮得好好，絕對流心！本人好偏酸既麵，所以每次都另加醋，加埋櫻花蝦個味道真係讚！另外點左炸蠔，熱辣辣新鮮出爐，表面香脆內裡多汁柔軟，好鮮味！讚！