影片
更多
2024-07-22
752 瀏覽
Book mark咗呢間嘅拿破崙千層撻好耐！好幾次下晝三/四點去到就已經買唔到。上網睇話12點幾去排隊先至有機會買到，但成日都就唔啱時間。 今次平日一點幾過去，諗住碰吓運氣，見到都有五六個人排緊隊，即刻唔執輸排埋一份😆除咗Classic焦糖味之外，新出咗柚子味拿破崙千層。千層撻六個一盒，最少三個就可以有盒。盒嘅設計有隔層，拎嘅時候唔容易壓到。拎返屋企嘅時候超想偷食！😋返到屋企因為凍咗，所以專登開焗爐焗返熱啲撻。千層撻大大個，睇個樣已經見到個花花撻皮層次豐富，中間餡料脹卜卜。雖然係番焗，個撻皮仲keep 到好香脆。原味焦糖蛋撻唔會太甜，感覺食多一隻都得😆 柚子味食落有啲似芝士撻嘅感覺，比原味偏甜少少。切開柚子味個時，個餡做到少少流心嘅感覺，柚子味唔算好出。總括而言，價錢有啲貴，但都值得試👍🏻
今次平日一點幾過去，諗住碰吓運氣，見到都有五六個人排緊隊，即刻唔執輸排埋一份😆
除咗Classic焦糖味之外，新出咗柚子味拿破崙千層。千層撻六個一盒，最少三個就可以有盒。盒嘅設計有隔層，拎嘅時候唔容易壓到。拎返屋企嘅時候超想偷食！😋
返到屋企因為凍咗，所以專登開焗爐焗返熱啲撻。千層撻大大個，睇個樣已經見到個花花撻皮層次豐富，中間餡料脹卜卜。雖然係番焗，個撻皮仲keep 到好香脆。原味焦糖蛋撻唔會太甜，感覺食多一隻都得😆 柚子味食落有啲似芝士撻嘅感覺，比原味偏甜少少。切開柚子味個時，個餡做到少少流心嘅感覺，柚子味唔算好出。
總括而言，價錢有啲貴，但都值得試👍🏻
張貼
