Bubble Tree (成業工業大廈)

營業中

休息中

之前已經食過一次, 嗰日我揀咗素burger 食, 覺得素都整得幾好食, 所以今日想試吓其他嘢食。地方環境細細, 所以會有少少擠迫。即使過咗午飯時間都坐滿人。🍴白酒忌廉汁吞拿魚芝士焗海鮮蝴蝶粉唔好比個名呃咗, 無乜白酒味的, 不過焗嘅時間剛剛好, 蝴蝶粉唔會焗到乾曬。裡面有細粒仔魷魚同細粒仔蜆肉, 如果對海鮮呢2個字好期待嘅話就應該會失望, 不過個味道同芝士吞拿魚係好夾嘅。🍴隨主食奉送餐湯同飲品, 我揀咗南瓜湯同凍綠茶鮮奶, 南瓜湯味道好濃不過唔creamy, 比較杰身。綠茶鮮奶嘅綠茶味好濃, 不過比較甜。整體食物飲品都好, 值得推介比觀塘之友。