阿木台灣麵 (廣華街) (已結業)

阿木台灣麵-呢個名大家都一定聽過，老闆娘Polly 十年前嫁到黎香港，佢阿嫲喺台北開魯肉飯店，父母開咗間牛肉麵店。為咗繼承家業，但決定同丈夫一齊喺香港開餐廳，並受到好多年輕人支持，成為熱門店。 我當日同個friend 去食tea。所以就冇試到佢哋出名嘅牛肉麵。 1.芝士肉鬆蛋餅$42份量$42黎講算係正常。餅皮煙韌Q彈。竟然有麵粉香。肉鬆份量適中，香而唔膩。加埋芝士，醬油膏，係唔錯嘅。 2.家傳鹽酥肉$39事關老闆細個唔鐘意食雞，於是佢阿嫲就用咗豬肉代替雞。又要講吓份量，非常之多，$39有六大舊。餐廳用咗豬頸肉去炸，肉質非常彈牙。肉味濃，並保留到肉汁。炸皮厚薄正常，金黃香脆。但調味就太淡，冇加到任何鹽，孜然粉等等嘅調味料，只有幾滴醬油。