影片
更多
2024-05-26
42 瀏覽
今日約左位由小學識到而家既朋友係官塘聚聚，我地以前都係官塘友，大個先搬離官塘，官觀重建真係唔同再左好多。今次去工廈果邊覓食，見到間西餐廳- Flames 好寬敞好靚啱靜靜地傾計，就揀左佢。我地2個人嗌左2樣野開心share，每款野食都包汽水或茶，如果想要埋湯或者沙律就加15蚊，加35 蚊仲有甜品啱晒女士們，豐儉由人都幾好。🍕Seafood Pizza - $188 （Starter + $15）有煙三文魚、魷魚& 鮮蝦，3款海鮮大大件，每件切開既 Pizza 都有一份海鮮，隻蝦大隻彈牙，魷魚唔會硬好Q弹。個餅底好鬆脆唔過硬，而且厚薄適中，推介大家試。另外，跟野食加左個湯，果日個湯係黑松露蘑菇湯（唔知係咪日日一樣），好香好濃郁，好重黑松露味，好飲！建議加15蚊要個湯。🥚Smoked Salmon Eggs Benedict- $118 （Starter +$15）Eggs Benedict 個底係多士，所以係脆身既口感，煙三文魚大大塊，2隻蛋煮剛剛好，有蛋黃汁& 醬汁加持，立即同多士好夾。食食下餐廳音樂轉左生日歌（本身有拍片，但影片影到其他食客個樣所以就唔放上黎），原來生日再係餐廳嗌甜品
我地2個人嗌左2樣野開心share，每款野食都包汽水或茶，如果想要埋湯或者沙律就加15蚊，加35 蚊仲有甜品啱晒女士們，豐儉由人都幾好。
🍕Seafood Pizza - $188 （Starter + $15）
有煙三文魚、魷魚& 鮮蝦，3款海鮮大大件，每件切開既 Pizza 都有一份海鮮，隻蝦大隻彈牙，魷魚唔會硬好Q弹。個餅底好鬆脆唔過硬，而且厚薄適中，推介大家試。
另外，跟野食加左個湯，果日個湯係黑松露蘑菇湯（唔知係咪日日一樣），好香好濃郁，好重黑松露味，好飲！建議加15蚊要個湯。
🥚Smoked Salmon Eggs Benedict- $118 （Starter +$15）
Eggs Benedict 個底係多士，所以係脆身既口感，煙三文魚大大塊，2隻蛋煮剛剛好，有蛋黃汁& 醬汁加持，立即同多士好夾。
食食下餐廳音樂轉左生日歌（本身有拍片，但影片影到其他食客個樣所以就唔放上黎），原來生日再係餐廳嗌甜品會播生日歌慶祝，餐廳職員又會埋去同壽星仔/女送上祝福，好有氣氛。同朋友/家人慶祝生日，大家都可以考慮下尼間餐廳噃，睇返 Openrice，Flames都有好幾間分店，要就腳應該都唔難。
📍 Flames (鴻圖道) (觀塘)
觀塘鴻圖道51號Two Sky Parc地下1號舖
張貼
